مصر موتورز مجتمع السيارات - كيفية الذهاب الى مدينة طابا

أولا.. الطريق الي "طابا
- طريق القاهرة / السويس (86 كم) حتي البوابة , السرعة (100كم/ساعة) ,
- بعد بوابة السويس تأخد أول يوتيرن شمال في أول يمين الي نفق الشهيد "أحمد حمدي"
- بعد النفق تمشي هتلاقي طريقين علي طول في أتجه "راس سدر و شرم الشيخ" و طريق شمال (اتجاه نويبع - طريق نخل) هاتمشي في طريق "نخل" في اتجاه نويبع (حوالي 360 كم) الي طابا

ثانيا.. أماكن الرادار:
- طريق القاهرة / السويس: عند مدينة بدر - و احيانا بعد بدر بحوالي (10 - 15) كم
- طرق سيناء : لم أجد عليها رادارات و لكن الحرص واجب

ثالثا.. حالة الطريق:
- طريق السويس جيد جدا تقدر تمشي عليه لحد (160 كم/ساعة) و لكن لا أنصحك بذلك خليك في المضمون (100 - 120) كم/ساعة
- طريق نخل متوسط لأن فيه توضيب في وصلات كتير فبلاش تجري فيه و كمان فيه كمائن أمنية و مرورية كتير
- طريق "طابا" شبيه بطريق "العين السخنة" و لكن أخطر (منحنيات حادة جدا و منحدرات) فأحذر و لا تسرع

ة اخر 15 كيلو قبل طابا ملفات جامدة جدا بين الجبال والسرعة فيه 30 كم/س

نصيحه مني شخصيا

طريق نخل ليه سمعة مش كويسة من ناحية ألأمان...مش عايز أقلقك..بس عن نفسى مش هافكر أخش طريق نخل أبدا.. ممكن تطلع على طريق شرم الشيخ و تطلع على طابا من شرم . يعنى تخلى مسارك القاهرة - شرم و من شرم على طابا و ترجع من نفس الطريق حتى لو أطول ...شرم طابا 230كم. شرم طابا طريق متأمن كويس و أتوبيسات السياحة رايحة جاية عليه انما طريق نخل ممنوع بتاتا للسياحة لخطورتة أمنيا.

واتوبيسات جو باص كتيره لشرم الشيخ
الاليت والبزنس كلاس 160 الفرد لو مستغليها
في الرويال كلاس ب 120 الفرد 5 ساعات بدون توقف واسال علي مواعيده واتكل علي الله وغير من شرم
وعشان متقولش اني ضليتك لاسمح الله انا فعلا دي معلوماتي وسافرت طابا ونويبع بعربيتي علي طريق شرم مش نخل
لكن للعلم انا معرفش فيه ايه يوديك طابا من هناك وبكام واذا كان متوفر او لأ
مع امنياتي برحله سعيده