مصر موتورز مجتمع السيارات - هو فى بلد بتعمل كده فى المخالفات !! حكايتى

صفحة 1 من 4

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - هو فى بلد بتعمل كده فى المخالفات !! حكايتى (https://www.masrmotors.com/vb/showthread.php?t=68749)

Emgrand

27-09-2011 09:05 PM

هو فى بلد بتعمل كده فى المخالفات !! حكايتى

اشتريت عربيه بتوكيل من كذا شهر
جه وقت التجديد ونقل الملكيه
روحت اجيب شهاده مخالفات عشان انقل الملكيه باسمى
فوجئت ان عليها 1200 جنيه على المالك القديم

مع انى واخد شهاده مخالفات منه وانا بشترى حتى تاريخ الشراء مكنش عليها ولا شلن

اقول للموظف ازاى يقولى المخالفات بتاخد وقت عقبال ما تتسجل
يعنى نظام تخلف امال كمبيوتر ايه وبتنجان ايه
وايه ذنبى وانا واخد شهاده مخالفات قبل ما اشترى
البلد عايزه تتنسف, بكل اسف النظام مسقطش مجرد خلع رئيس
المهم قالى روح مرور الدراسه اعمل تظلم
يا ترى ممكن يجيب نتيجه؟

يسري أبو الخير

27-09-2011 10:10 PM

رد: هو فى بلد بتعمل كده فى المخالفات !! حكايتى

ياسيدي مفيش فايدة دا اشتريت العربية و نقلت ملكية و رخصت وجددت لمدة سنتين بدون مخالفات و بعد اربع سنين .. ألاقي مخالفة 325 جنيه بتاريخ بعد شراء العربية ب 10 أيام في طريق المنيا سرعة زائدة .. و عمري مارحت المنيا ابدا و لا طريق الصعيد بعربيتي او بغيرها .. و في الأخر دفعت المخالفة بالرغم من أني كنت طلعت شهادتين مخالفات من قبلها .. شوفت بقا .. ربنا يرحمنا مفيش فايدة ..

heshhesh

28-09-2011 02:47 AM

رد: هو فى بلد بتعمل كده فى المخالفات !! حكايتى

باشا متدفعش حاجه وحاول تخش لوكيل النيابه اللى فى المرور بالتوكيل اللى انت عامله وعقد البيع المسجل وهو هيشلك المخالفات ديه
انا لسه عامل الموضوع ده اول امبارح وشال المخالفه من عليه من غير اى واسطه
بس هو وكيل نيابه محترم جدا ربنا يكرمه وده كان فى مرور السلام

Emgrand

28-09-2011 03:11 AM

رد: هو فى بلد بتعمل كده فى المخالفات !! حكايتى

اقتباس:

المشاركة الأصلية كتبت بواسطة heshhesh (المشاركة 522182)

الله يطمنك
بس المشكله انى اشتريت بتوكيل والعقد لسه عمله من يومين
والموظف اما سألنى اكد عليا اوى انت شارى بتوكيل ولا بعقد
هى بتفرق يا هشهش؟

Emgrand

28-09-2011 11:56 AM

رد: هو فى بلد بتعمل كده فى المخالفات !! حكايتى

عملت تظلم فى نيابه الدراسه وربنا يسهل بعد يومين النتيجه
نتيجه مش كويسه فى حاجه اسمها معارضه وربنا يسهل

نسيت اقول الموظف بيقولى فى مخالفات بتتسجل بعد 3 سنين !

الساعة الآن 04:54 PM.

صفحة 1 من 4

عرض 7 مشاركات من هذا الموضوع لكل صفحة