مصر موتورز مجتمع السيارات - تجرربتى مع مركز المتحدة وصيانة ال50 الف كم هاااااااام جدااااااااا

( هذا الموضوع يحتوى على معلومات هامة عن مركز المتحدة وعن تجربة البشمهندس ياسر كاتب الموضوع ولكنه يحتوى على اكثر من سوء تفاهم تم توضيحها من قبل مركز المتحدة وانتهى الموضوع بانه قال البشمهندس ياسر بنفسه ما يلى :

اقتباس:

انا بصراحة ردك الطويل دة وضحلى كل التفاصيل اللى كنت عايز اعرفها واللى للاسف ما لقتش حد يقولهولى فى المركز لكن على العموم حصل خير ومهما كان الموضوع ولا حتى المبلغ اللى اتدفع فى الصيانة فكل دة مش مهم

مما يعنى انه تمت ازالة اسباب سوء التفاهم وتوضيح كل التفاصيل وخصوصا المالية ويصبح هذا الموضوع فعلا شامل لكل الاراء المفيدة لمن يهمه التعامل مع مركز المتحدة ... ويجب قراءة الموضوع بكل تفاصيله وكل مشاركاته للاهمية ..... )

دى بصراحة كانت اول مرة اعمل صيانة عندهم وبعد الكلام الكتير اللى الواحد سمعة عن التوكيل فقولت اجربهم كدة وقد كان وروحت بدرى الساعة 11 كدة(بعد عناء نظرا لصعوبة المكان اللى موجودين فية والطريق كمان غير ممهد خااااااااااالص) كانو لسة فاتحين وقالوولى عايز تعمل اية فقولتلهم انا ماشى 50 ال كم فقالولى خلاص انت كدة هتغير كاتينة اساسى وسيور وفلاتر وشوف لو انت عايز تعمل حاجة تانية فقولت تمام وابتدينا على بركة الله وفيما يلى بقا تفاصيل للاشخاص اللى قابلتهم هناك واللى اتعاملت معاهم هناك والاسعار بتاعة قطع الغيار والمصنعيات وكل التفاصيل :_
1- أ/ محمود حسين ودة صاحب المركز استنيتو لحد السعة 1 ونص كدة عقبال ما وصل واتكلمت معاة وبصراحة هو راجل محترم جدا وقعد يتكلم معايا شوية وطلبلى شاى (اينعم انا اللى حاسبت علية بعدها بس مش مشكلة ) وبعدهها ب3 ساعات كدة مشى وللاسف مشفتوش تانى .
2- أ/ تامر ودة مندوب الاستقبال عندهم اللى هخو بيستقبلك وبياخد منك كل اللى انت عايز تعملة فى العربية ويعملك بية امر شغل وبصراحة دة بقا معندوش خلفية عن اى حاجة خالص لانة لسة جاى جديد (0قالى العربيى بتاخد 5 كيلو يت مع الفلتر مع العلم بان عربيتى اسبرانزا 113 المهم بعد كدة طلعت بتاخد 4 كيلو بس وقالى على اسعار قطع غيار وفى الاخر طلعت اغلى بكتيييييير وقالى المصنعيات ب 200 جنية وفى الاخر دفعنى 350 جنية وكان معايا كويس اوى فى الكلام لحد ما جينا فى اخر اليوم للحسااااااااااااب هههههههه المهم
3- الميكانيكية (عيسى واحمد حسين )بصراحة الاتنين شاطرين جدا وفاهمين هم بيعملو اية ومحترمين اوى
4- محمد رشاد (دة بقا كبير المكيانيكية يعنى الريس بتاعهم ودة بقا اعوذ بالله فظييييييييع تنك اووى فى الكلام وعامل نفسة فيها سقراط ورخم جدا فى الاسعار يعنى جة فى الاخر وانا هحاسب بص على امر الشغل وهو اللى سعرلى المصنعيات ولقيتة بيقولى ان المصنعيات 350 جنية وانا اقولة يا عن قالولى 300 جنية شاملة الكاتينة والفلاتر والزيوت وكلة وهو يقولى لأ يا استاذ كل حاجة وليها سعر واتصدمت بقا فى الاسعار بتاعة قطع الغيار اللى كتبهالى واللى بصراحة حسيت انها مبالغ فيها اوى على سبيل المثال مثلا /-
1- اوكرة باب خارجية يمين خلفى الاكرة (65 جنية على الرغم ان كان فى عربية بتعمل صيانة معايا مركبة اختها بالظبط ب 40 جنية بس)ومصنعية تركيبها وتصليح غطاء تانك البنزين 50 جنية
2- قاعدة موتور 225 جنية
3- سير تكييف 65 جنية
4- سير دينامو 55 جنية
5- فلتر بنزين 45 جنية
فلتر زيت 35 جنية
ريشة مساحة خلفية 35 جنية (على الرغم انى شارى ال2 الامامين من بنزينة ب 22 جنية ونوع نضيف جدا)
فتلر هواء تقريبا 50 جنية
طقم بوجيهات 90 جنية
زيت شيل 5000 ب 125 جنية
طقم سير كاتينة ب 675 جنية
يعنى دة اللى انا فاكرة بصراحة كنت رايح عامل حسابى على مبلغ معين وكانت الفاجعة لما شوفت الفاتورة 1880 جنية لييييييييييييييية دة الصيانة داخل التوكيل نفسة ب 1800 ولمجرد انى قولت لتامر بية ومحمد رشاد بية كدة لقيت وش تانى خالص فى الكلام وابتدو يقلبو ويقولولى اصل فى التوكيل مش بتشوف اللى بيتعمل فى عربيتك اما هنا بتشوف كل حاجة قدام عنيك واصل قطع الغيار دى اصلية ومش عارف اية وما رضيوش ينزلولى عير 30 جنية ودفعت 1850 جنية وخرجت وانا مصدوم ومش عارف لية الاسعار دى كلها على الرغم انها صيانة عادية ومش جوهرية يعنى
اة ونسيت اقولكم حاجة مهمة فى الاخر طلبت من استاذ تامر انو يختملى الفاتور على اساس ان الكاتينة عليها ضمان فالمفروض ان الفاتور تتختم عشان اضمن حقى بصلى بقرف كدة وقالى يا بية ختم اية انا ما بختمش فواتير دة انت لو ختمت هتدفع 10 % ضريبة مبيعات قولتلة اوك وخدتها ومشيت
انا بس حبيت انقلكلم تجربتى معاهم وتحت امر اةى حد فى اى حاجة
الخلاصة بقا انك لو هتروح تعمل صيانة عندهم هتاخد شغل كويس لكن المعاملة تختلف من واحد للتانى هناك وبشرط اساسى جدا هناك انك ما تحاولش حتى مجرد محاولة انك تتكلم معاهم فى الاسعار عشان هيكشرو فى وشك وهتشوف معاملة مش اللى هى وهيطلع شكلك وحش زى انا كدة وباردو هتدفع اللى هم عايزينة فى الاخر .