مصر موتورز مجتمع السيارات - طريقة تحويل لانوس من مانيوال إلى أوتوماتيك بالصور

السلام عليكم ورحمة الله وبركاته .......

أنا كان عندي دايو لانوس 2 موديل 2003 مانيوال وحاليا والدتي هي اللي بتسوقها بعد ما جبت الجين-2 وكنت عايز أحول اللانوس من مانيوال لأوتوماتيك علشان والدتي (ربنا يشفيها) عندها آلام وخشونة في مفصل الركبة اليسرى وبتتعب من سواقة المانيوال .... وبالبحث والسؤال توصلت إلى أن الأجزاء المطلوبة للتحويل هي:

ريداتير أوتوماتيك شامل عدد 2 خرطوم تبريد زيت أوتوماتيك
فتيس اوتوماتيك كامل بالقواعد ( عدد 2 قاعدة )
ترس فولان للاوتوماتيك بالمسامير بتاعته
عدد 2 كوبلن اوتوماتيك كامل ( من أول العجل لحد الفتيس بالأفايز والكاوتش وصامولة الربط )
ضفيرة موتور اوتوماتيك ( يجب مراعاة تطابق فيش الرشاشات مع الرشاشات بتاعتك علشان في نوعين من الفيش )
كنترول الموتور الاوتوماتيك + كنترول الفتيس الاوتوماتيك + فبرة التثبيت تحت الكرسي الأمامي يمين
ضفيرة كونترولات اوتوماتيك كاملة (من أول الكونترولات لحد الموتور)
طقم بدالات أوتوماتيك ( بدال فرامل + طبة سد مكان بدال الدبرياج )
عصاية اوتوماتيك بكابل النقل من العصاية الي اول الفتيس
مارش أوتوماتيك ( المارش الرفيع وطويل علشان في مارش تاني قصير وتخين ده مش بيركب مع الأوتوماتيك )
قاعدة دينامو ( طول قاعدة الدينامو في المانيوال غير الأوتوماتيك )
خزنة زيت الباكم بتاع الفرامل
ماسورة سربنتينة التكييف الساخن ( الماسورة اللي ناحية فردة الشاسيه الشمال طولها في الأوتوماتيك أقصر بكتييير من طولها في المانيوال)
عدد 9 كيلو زيت شيل DONAX ATF اوتوماتيك

توكلت على الله ونويت أبدأ الموضوع وبرضه قلت أسأل بعض الخبراء في الموضوع ده واللي مشكورين نصحوني بمعلومات مفيدة

اقتباس:

فية بس نقطة واحدة قد تكون مشكلة... فردة الشاسية الشمال للانوس الاوتوماتك اعلى من بتاعت المانيوال... لما بنقلب من اوتوماتك لمانيوال بنركب جلب مسافة لتعويض الفرق... لكن لما نقلب من مانيوال الى اوتوماتك مش عارف دى حلها ايه لان فردة الشاسية حتبقى واطية زيادة عن اللزوم

اقتباس:

دلوقتى الفتيس و الموتور بيركبوا على شاسية العربية من خلال قواعد موتور و فتيس... الفتيس المانيوال له قاعدتين واحدة منهم بتركب على فردة الشاسية الشمال

فى الاوتوماتك القاعدة دى مختلفة و بيركب مكانها قاعدة اسمها قاعدة العصفورة... القاعدة دى اكبر بكتير من القاعدة بتاعت الاوتوماتك و كمان فردة الشاسية اللى بتركب فيها بتبقى مرتفعة كذا سنتى عشان تعادل الحجم الكبير للقاعدة

دلوقتى ات حتركب فتيس اوتوماتك بالقاعدة الكبيرة دى... غالبا حتلاقى فردة الشاسية اوطى من اللازم و مفيش مساحة للقاعدة عشان تركب

واللي حأوضحلكم بالصور إزاي حليت موضوع القاعدة الشمال دي

توكلت على الله ونزلت الحرفيين لفيت على التجار لحد ما ربنا وفقني لواحد هناك محترم جداااااااااااا جدااااااااااااااااا جدااااااااااااااااااااااا ( ربنا يجازيه خير على امانته و ضميره اليقظ ) وإتفقت معاه على إستبدال القطع المانيوال بالأوتوماتيك مع دفع فرق 700 جنيه فقط...

وفكيت القطع المطلوبة من النص الأوتوماتيك اللي عنده ورحت للميكانيكي .......
ودي صور القطع المطلوبة

http://sphotos.ak.fbcdn.net/hphotos-..._8009963_n.jpg

النص اللي فكيت القطع منه
=======================

http://sphotos.ak.fbcdn.net/hphotos-..._4985031_n.jpg

الريداتير بخزنة التبريد
=======================

http://sphotos.ak.fbcdn.net/hphotos-..._5391396_n.jpg

الفتيس الأوتوماتيك بترس الفولان
=======================

http://sphotos.ak.fbcdn.net/hphotos-..._8141551_n.jpg

ضفيرة الموتور المزود بفتيس أوتوماتيك ( يجب مراعاة تطابق فيش الرشاشات مع الرشاشات بتاعتك علشان في نوعين من الفيش )
=======================

http://sphotos.ak.fbcdn.net/hphotos-..._5468975_n.jpg

كنترول الموتور الاوتوماتيك + كنترول الفتيس الاوتوماتيك + فبرة التثبيت تحت الكرسي الأمامي يمين
=======================

http://sphotos.ak.fbcdn.net/hphotos-..._5956324_n.jpg

ضفيرة كونترولات اوتوماتيك كاملة (من أول الكونترولات لحد الموتور)
=======================

http://sphotos.ak.fbcdn.net/hphotos-..._6988884_n.jpg

طقم بدالات أوتوماتيك ( بدال فرامل + طبة سد مكان بدال الدبرياج )
=======================

http://sphotos.ak.fbcdn.net/hphotos-..._7259278_n.jpg

عصاية اوتوماتيك بكابل النقل من العصاية الي اول الفتيس
=======================

http://sphotos.ak.fbcdn.net/hphotos-..._1092526_n.jpg

مارش أوتوماتيك ( المارش الرفيع وطويل علشان في مارش تاني قصير وتخين ده مش بيركب مع الأوتوماتيك )
=======================

http://sphotos.ak.fbcdn.net/hphotos-..._8074561_n.jpg

قاعدة دينامو ( طول قاعدة الدينامو في المانيوال غير الأوتوماتيك )
=======================

http://sphotos.ak.fbcdn.net/hphotos-..._6398097_n.jpg

خزنة زيت الباكم بتاع الفرامل
=======================

http://sphotos.ak.fbcdn.net/hphotos-...5_522077_n.jpg

ماسورة سربنتينة التكييف الساخن ( الماسورة اللي ناحية فردة الشاسيه الشمال طولها في الأوتوماتيك أقصر بكتييير من طولها في المانيوال)
=======================

========================= ========================= ========================= =====

بدءنا الشغل و الميكانيكي رفع العربية وكانت خطوات التنفيذ كالتالي:............

الخطوة الأولى : رفع السيارة وتسقيط المكنة :

طبعا كتير منكم حيسأل إيه لزوم تسقيط المكنة بأكملها ؟؟؟؟؟؟؟؟؟؟؟؟؟
كان لازم نسقط المكنة بحالها مش الفتيس بس وده علشان كان لازم نقطع من البلوك بتاع الموتور حتة حديد زهر كده مالهاش أي لازمة ... حجمها قد نص حجم مثلث الجبنة النستو والحتة دي كانت طاعنة في جسم الفتيس الأوتوماتيك وإتقطعت بالصاروخ في دقيقة واحدة بالضبط .....

بعد ما الموتور إتسقط فكينا منه الفتيس المانيوال وحلينا الكبالن والضفيرة وقطعنا الحديدة الصغيرة و بعدين ركبنا الفتيس الأوتوماتيك على المكنة وضفيرة الموتور الأوتوماتيك والكبالن ورجعنا المكنة تاني ....
أنا بأتكلم بصيغة الجمع علشان كنت شغال بإيدي مع الميكانيكي ومتابع معاه خطوة بخطوة علشان ما فيش حاجة تبوظ )

http://sphotos.ak.fbcdn.net/hphotos-..._6774742_n.jpg

http://sphotos.ak.fbcdn.net/hphotos-..._7616909_n.jpg

http://sphotos.ak.fbcdn.net/hphotos-..._7457557_n.jpg

http://sphotos.ak.fbcdn.net/hphotos-..._3696763_n.jpg

http://sphotos.ak.fbcdn.net/hphotos-..._4175224_n.jpg

http://sphotos.ak.fbcdn.net/hphotos-..._7824676_n.jpg

http://sphotos.ak.fbcdn.net/hphotos-..._8118217_n.jpg

http://sphotos.ak.fbcdn.net/hphotos-..._4746752_n.jpg

http://sphotos.ak.fbcdn.net/hphotos-..._6485840_n.jpg

http://sphotos.ak.fbcdn.net/hphotos-..._8041987_n.jpg

http://sphotos.ak.fbcdn.net/hphotos-..._1017210_n.jpg

http://sphotos.ak.fbcdn.net/hphotos-..._5391396_n.jpg

========================= ==

المرحلة التانية : قاعدة الفتيس :......

بعد ما المهندس ممدوح نبهني لنقطة فردة الشاسيه الشمال واجهتنا أكبر مشكلة في الموضوع اللي هي إزاي حنثبت الفتيس ؟؟؟؟؟

رحت عند التاجر في الحرفيين ( الله يباركله ويزيده من فضله يارب ) وكان عنده فردة شمال مانيوال وفردة أوتوماتيك وبالمقارنة بينهم تمكنت من تفصيل قاعدة شاسية عمولة عند حداد إتكلفت 100 جنيه مصنوعة من حديد سمك 4مم وده نفس سمك الشاسيه ومتثبتة في شاسيه العربية ب 6 مسامير زي ما هو موضح في الصور ..............

http://sphotos.ak.fbcdn.net/hphotos-..._4674510_n.jpg

http://sphotos.ak.fbcdn.net/hphotos-..._6838873_n.jpg

http://sphotos.ak.fbcdn.net/hphotos-..._8329800_n.jpg

http://sphotos.ak.fbcdn.net/hphotos-..._2979710_n.jpg

http://sphotos.ak.fbcdn.net/hphotos-...3_970232_n.jpg

========================= ===

المرحلة الثالثة : إعادة تركيب المكنة مره أخرى:..........

بعد ما جمعنا الفتيس والضفيرة والكبالن وغيرنا قاعدة الدينامو وثبتنا القاعدة التفصيل على الشاسيه بدأنا نرفع المكنة تاني ونركبها مكانها ............

http://sphotos.ak.fbcdn.net/hphotos-..._3968503_n.jpg

http://sphotos.ak.fbcdn.net/hphotos-..._7931246_n.jpg

http://sphotos.ak.fbcdn.net/hphotos-..._2712667_n.jpg

http://sphotos.ak.fbcdn.net/hphotos-..._7888866_n.jpg

========================= ====

المرحلة الرابعة : تركيب باقي القطع :

بعد ما ثبتنا المكنة مكانها ركبنا باقي القطع ( بدال الفرامل + طبة بدال الدبرياج + عصاية الفتيس + خزنة الزيت + الكونترولات بالضفيرة بتاعتهم + الريداتير)

http://sphotos.ak.fbcdn.net/hphotos-..._6350887_n.jpg

========================= ==

نزلنا العربية ورجعنا كل حاجة زي ما كانت ودورت العربية وطلعت أجرب لقيت كل حاجة تمااااااااااااااااام زي ما تكون العربية خارجة كده من المصنع بس للأسفففففففففففف يا فرحة ماتمت :120146b:120146b

وأنا بأجرب سمعت صوت خبطة جامدة جدا نزلت أشوف فيه إيه لقيت الفتيس إتكسر من عند القاعدة اللي قدام علبة البيئة .... رجعت العربية للميكانيكي وكلمت محمود السوهاجي ( تاجر قطع الغيار اللي إشتريت منه الحاجة ) الراجل جالي و بص على الفتيس و إكتشف إن المسامير اللي هو ركبها واللي بتربط القاعدة بجسم الفتيس المسامير دي كانت قصيرة ومش هي المسامير الفابريكة بتاعة العربية وبالتالي إداني فتيس غيره ودفع تكاليف إعادة الفك والتركيب واللي كانت 200 جنيه ( ربنا يكرمك يا محمود و يرزقك من فضله )

http://sphotos.ak.fbcdn.net/hphotos-..._8322962_n.jpg

http://sphotos.ak.fbcdn.net/hphotos-..._1096038_n.jpg

http://sphotos.ak.fbcdn.net/hphotos-...6_443251_n.jpg

========================

بعد تسقيط الفتيس المكسور وتركيب فتيس آخر بدلا منه وتزويد 9 كيلو زيت دورت العربية أخيرااااااااااااااااااا و بقت أوتوماتيييييييييييك

http://sphotos.ak.fbcdn.net/hphotos-..._2844506_n.jpg

http://sphotos.ak.fbcdn.net/hphotos-..._4500930_n.jpg

========================= ==

التكلفة الإجمالية لعملية التحويل

700 جنيه مقابل إستبدال قطع الغيار
400 جنيه مصنعية الميكانيكي ( بدون حساب ال200 بتوع إعادة الفك والتركيب)
100 جنيه قاعدة فتيس تفصيل
240 جنيه 9 كيلو زيت فتيس ....l Donax ATF

=========================

في النهاية أحب أشكر كل من ساعدني في هذا الموضوع

أكبر فائدة في الموضوع ده هو الدعوتين الحلوين اللي أخدتهم من أمي بعد الراحة اللي حسيت بيها وهي سايقة العربية .... دعوتين بالدنيا وما فيها ....

و أحب أطمنكم الموضوع يبان كبير بس في الحقيقة هو سهل جدااااااا واللي ناوي يعمله منكم أنا تحت أمره في أي سؤال ... أنا إسمي عبدالرحمن من القاهرة وده تليفوني 0101803303 ......

تحيــــــــــــــــــــــ ـــــــــــــــــاتــــــ ـــــــــي

ملحوظة : أنا صاحب الموضوع في المنتدى الآخر و غير مسموح بنقله بدون موافقتي