مصر موتورز مجتمع السيارات - غيرت زيت الفتيس والماتور + اضافات

روحت التوكيل يوم السبت اللى فات علشان اغير زيت الفتيس (ماتقلقوش محصلش حاجه) بس قولت اهو من باب الاحتياط والامن والامان والمحافظة وخصوصا ان عربيتى عامله دلوقتى
40000 كيلو وسمعت من مهندس فى التوكيل من غير ذكر اسامى(مصدر ثقة) انه بتجيلوه عربيات عاملة 100000 كيلو والفتيس بيبقى محروق فقولت ايه يعنى لما اعمل كده كل 25000 كيلو وحطيت على زيت الفتيس اضافتين من عندهم هناك الاضافة الواحده بـ 27.5 لان الفتيس بياخد 2.5زيت
وكل كيلو بياخد علبة اضافه صغيره ودى بتقلل احتكاك الاجزاء ببعضها وبتعمل عملية تبريد وطلعت من عندهم الى مركز صيانة (كار جاس) قولت اغير زيت الماتور بالمرة لأنى بقيت احط زيت ماتور فيسكو بتاعهم اللى بيمشينى 10000 كيلو بس انا بنزله على 7000 كيلو وبرده حطيت علبة زيت ايزى اللى انا جايبها من التوكيل وحجمها تقريبا 300ملى وتوضع فى الماتور بعد تفريغه من الزيت القديم وتركيب الطابه وتغير الفلتر نضع هذه الاضافه وعليها الزيت بتاعنا هيبقى حوالى
3 كيلو ودى بتعمل بردو تبريد للماتور وتقلل احتكاك الاجزاء ببعضها وميحصلش خدوش داخلية
وبتنزل بين البيستم والشمايز كعملية تغليف كده علشان انا مركب غاز (العلبة الخضراء للسيارت الغاز) و (العلبة الحمراء للسيارات البنزين ) ودى فى التوكيل بـ 44ج .

لو عايزين تجيبوا الاضافات دى من خارج التوكيل هتبقى اغلى شوية يعنى ام 27.5 هتبقى فى حدود حاجة وتلاتييين وام 44ج هتبقى بـ 55ج ومقر المستورد الرئيسى فى 3 ابراج المانيسترلى امام القرية الفرعونية بشارع البحر الاعظم والشركة اسمها (ايزى ايجبت) علما بأنها ارخص فى التوكيل لأن بيأخذوا منها كميات رهيبه طبعا للسيارت الـ byd و الادا

وعلى فكره شركة ايزى ايجبت كانت متواجده فى معرض السيارات اللى فات وبيعملوا التجربه على الزيت ...

تمت التجربة على بلي محطوط فى صندوق شفاف بزيت عادى وتم تشغيل جهاز بيدور ويحرك البلي ده فوجدوا ان البلي بعد اخراجه به احتكاكات .. وعند اعادة التجربة بزيت ايزى لم يجدوا اى احتكاكات او خدوش على البلى .......
:w6w2005041122053268:w6w2 005041122053268:w6w200504 1122053268:w6w20050411220 53268:w6w2005041122053268