مصر موتورز مجتمع السيارات - تلف ملف داخل الاسبراتير وقف الفليشيا

مصر موتورز مجتمع السيارات (https://www.masrmotors.com/vb/index.php)

- سكودا skoda (https://www.masrmotors.com/vb/forumdisplay.php?f=19)

- - تلف ملف داخل الاسبراتير وقف الفليشيا (https://www.masrmotors.com/vb/showthread.php?t=55559)

تلف ملف داخل الاسبراتير وقف الفليشيا

امبارح عربية واحد صاحبى فليشيا 1996 وقفت فجأة وبدون سابق انذار وكلمنى على الموبايل قعدت اقوله شوية وصفات يعملها ووصلت معاه ان مفيش شرارة طلعة من الاسبراتير و طبعاً امبارح الاحد ملقاش غير ميكانيكى تعبان قالوا دى عايزة كهربائى - المهم انا رحتله بالليل وكان شكى كله فى البلاطة ( المشط الالكترونى ) او فى الملف اللى جوه الاسبراتير - وبعد ما فقدنا الامل لقينا ميكانيكى فى شارع جنب العربية وبالصدفة البحتة عندة اسبراتير فيليشيا قديم وخلعلنا منه الملف ده وركبه والعربيه اشتغلت وكله تمام .
النهارده سألت على الملف لقيته ب 55 جنيه وصينى .
ياترى ايه الحل لو باظ فى سفر ولا فى حته بعيدة او يوم احد ؟
انا بفكر اجيب ملف اخليه معايا احتياطى او اجيب اسبراتير استيراد لان الجديد ب 475 جنيه .
واحذر المفاجات .....

رد: تلف ملف داخل الاسبراتير وقف الفليشيا

بالنسبة للاسبراتير الاستعمال مش لاقى خالص فى السوق كله و لقيت الملف بتاعه النهارده نوعين نوع اصلى ب 65 جنيه ونوع صينى ب 30 جنيه بس لقيت الصينى شكله احسن والاصلى مفيش عليه اى حاجة تدل انه اصلى فجبت الصينى .
انا عارف انى عامل الموضوع ده علشان اكلم نفسى طبعاً لان مفيش اى مشاركات بس قولت اقولكم اللى وصلتلوا يمكن افيد حد .

رد: تلف ملف داخل الاسبراتير وقف الفليشيا

شكرا جدا على الموضوع دة

وظهر عندى عيب مقارب للموضوع بتاعك

(الاسبراتير عندى راسه من فوق بتلف لفه كبيرة مش ثابته
وكده معناة انه بايظ ) لما بجرى بالعربيه على سرعه عاليه عداد الار بى ام بيتحرك يمين وشمال لوحده

العربيه 97 كومبى

رد: تلف ملف داخل الاسبراتير وقف الفليشيا

اقتباس:

المشاركة الأصلية كتبت بواسطة ShekeeS (المشاركة 443561)

انت تقصد غطاء الاسبراتير هو اللى مش بيبات فى مكانه ولا الاسبراتير كله ؟
وعداد الار بى ام ملوش علاقة ممكن تلاقى بس السلك بتاعه مش متثبت كويس
لكن المشكله اللى انا ذكرتها فى الموضوع مختلفة تماما عن مشكلة حضرتك لانها بتوقف الموتور خالص فى لحظة .

رد: تلف ملف داخل الاسبراتير وقف الفليشيا

انا حصلي الموقف دا فعلا في الاسبراتير بس عيب تاني
شاكوش الاسبراتير اتكسرت منة الحتة النحاسة اللي بتولد الشرارة
وكنت في اكتوبر
ربنا وفقني وجبت كهربائي من بنزينة وطنية جه عرف العيب وعملى شاكوش بسلك وامير واشتغلت العربية
وروحت تاني يوم اشتريت واحد تاني والحمد لله