مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   نيسان NISSAN (https://www.masrmotors.com/vb/forumdisplay.php?f=32)
-   -   تجربتى القذرة مع يونايتد جروب (https://www.masrmotors.com/vb/showthread.php?t=37597)

Dr.Khaled Youssef 22-10-2010 09:22 PM

تجربتى القذرة مع يونايتد جروب
 
السلام عليكم
انا أخوكم د. خالد عبد التواب لسة شارى صنى 2011 ماعملتش بيها خمسمائة كيلو
المشكلة انه توجد هزة قوية فى المحرك و السيارة كلها كل ثانيتين أى هزة منتظمة وبتبان قوى لو شغلت التكييف او نقلت على ال d او r ومشيت بسرعة بطيئة
لاحظت انا ان ال rpm ثابت ووضعت ايدى على الشكمان وجدت دفقات العادم منتظمة؟؟؟؟
الاخوة هنا فى المنتدى منهم اللى قاللى دى قواعد موتور و منهم اللى قاللى انه الايدل ومنهم اللى قاللى اروح التوكيل
وروحت يونايتد جروب اللى جنب الدراسة لانى ساكن قريب منه وكنت حاجز الساعة 9 صباحا
طبعا كنت هناك الساعة 9 الا ربع وقابلت مهندس الستقبال الساعة 9 وتلت تقريبا
وكتب فى امر الشغل يوجد هزة فى الموتور بعد ما شافها بعينه وقاللى (بالتأكيد) ده عيب كهرباء
قلتله بس ازاى عيب كهرباء و مش ظاهر فى ال rpm؟ مش ممكن يكون عيب قواعد؟؟
حط ايديه التنين على الموتور و قاللى قواعدك تمام انا هاكشفلك بالسكانر
المهم لاقيته عاوز يعمللى صيانة الالف كيلو و العربية عاملة 600 كيلو فقط!!!!!!!!!
قولتله لأ طبعا قعد يجادل معايا شوية ولما لقى مفيش منى فايدة سابنى و قاللى اتفضل فى الاستراحة
ورحت الاستراحة
وعدت الساعة بعد الساعة ووالله العظيم نمت و صحيت مرتين و انا قاعد لحد الساعة ما بقت 12 و نص و محدش عبرنى و الناس اللى جت بعدى مشيو كلهم
قولت لما انزل اشوف وصلو لايه
لاقيت واحد كدة لابس شريط حوين رقابته مفهمتش ايه المكتوب عليه و شكله مشرف عليهم سألته عن العربية رد عليا بمنتهى القرف :معرفش. ولاقيته ساببنى و مشى و انا بكلمه رحت رايح اسأل عن المهندس اللى استلم منى العربية لاقيته جوة فى الورشة قولت ممكن ادخله قالولى :طبعا ممنووووووع!!كأنى هادخل منطقة عسكرية
قعدت يجى نص ساعة على ما المهندس خرج للمنطقة المسموحة قولتله عاوز ابص على العربية قاللى ممنووووووع!!!!! قولتله طيب عملتو ايه قاللى لسه باعمل اختباراتى!!!!!!!!!!!!
قولتله اربع ساعات بتعملو اختبارات ؟؟؟؟؟؟؟؟ قاللى المهم نعرف السبب ايه و نصلحه قولتله و فاضل قد ايه قالى نص ساعة بعدها لاحظت انالعمال كلهم خرجو برة و اللى راح اشترى حاجات ساقعة !!!!!!!!!!!!!!!!! عرفت اهم خدو (بريك) وبصراحة ماجاليش نفس اطلع الصالة لان الساعة بقت 2 و نص المهم المهندس دخل و جاب العربية حطها فى حتة قريبة شوية ( كنت شايف النمر بالعافية) و طبعا كان و اضح انهم لسة ماشتغلوش فيها. المهم فضلت واقف اتفرج على العملاء لقيت موقف عجيب جدا
راجل معاه صنى جديدة راجع بعد ما مشى و ثائر جدا ان الفنى بهدله فرش الباب و الصالون بالزيت بطريقة فظيعة و المهندس قعد يماطل معاه ومش عاوزين يعتذروله والراجل قال هاوريكو شغلكوافقعدو يضحكوا عليه بصوت عااااااااااالى!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!
الغريب انى كنت شايف ان العربية ما حدش قربلها خاااااااااااااااااااااااا الص لمدة ساعة
رحت لمدير الصيانة و زعقت معاه دخل جوة و رجع يقوللى انهم سايبينها بقالها ساعة على الكمبيوتر علشان يسجل العيب فين؟
تخيلو ! الهزة بتحصل كل ثانيتين وهما سايبينها ساعة على السكانر
طبعا الساعة بقت 3 و نص وانا جبت جاز قولتلهم عاوز العربية
دخل المهندس بسرعة وجابلى العربية قاللى مافيهاش حاجة و الكمبيوتر ما سجلش حاجة و غيرتلك البوجيهات (طبعا ما حصلش) و قيست ضغط الاسطوانات كلهم تمام
قولتله ما حدش بص على القواعد قاللى لأ طبعا
وقاللى اركب ركبت و لقيته لف بالعربية لفة على سرعة 60 تقريبا و يقوللى العربية تمام مفيهاش حاجة اهه
طبعا انا كنت وصلت لدرجة من الصداع و القرف اللى ما بقتش شايف اى حاجة كنت عاوز اروح و خلاص
شغلت التكييف لقيت الهزة زى ما هى قولتله الهزة موجودة اهه
قاللى فين دى ؟؟؟؟؟؟؟؟؟؟؟ العربية بقت تمام اهه انت بيتهيألك
قولتله ماشى عاوز اروح بالعربية .. ممكن ؟ قاللى اه طبعا هاعملك الايصال تستلم بيه العربية استنانى نص ساعة!!!!!!!!!!!!!!!!!!!!! !!!!!!!!!!!!!!!!!!!!!!!!! !!!
وسابنى و دخل و الساعة بقت 4 و شوية( والمركز اصلا بيقفل الساعة خمسة) و نسى يبلغلى يعملولى الايصال!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!
روحت لمهندس تانى (الوحيد اللى لقيته) قاللىاسمك ايه قولتله خالد عبد التواب قاللى ثوانى و اتصل بالتليفون و بعد عشلر دقايق جابلى ايصال باس خالد ابراهيم!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!
طبعا قعدت ربع ساعة على ما جابولى الايصال وخدته و روحت نمت صحيت الساعة 9 بالليل !!!!
وطبعا ما روحتش الصيدلية اليوم ده وفضلت الصيدلية مغلقة لتانى يوم طبعا
وطبعا انتو صدعتو منى
يس انا دمى محرووووووووووق
اعمل ايه؟؟؟؟؟؟؟؟؟؟

amrmohamed1975 22-10-2010 09:40 PM

رد: تجربتى القذرة مع يونايتد جروب
 
اولا الف مبروك العربية و ربنا يديك خيرها و يكفيك شرها يا باشا الحاجات دي هتلقيها موجودة فى اي توكيل فى مصر مش يونيتد جروب بس و الي انا اعرفه ان العربية الزيرو ما ينفعش تشغل التكييف قبل ال 1000 كم الاولي على العموم متخليش الحاجات دي تكرهك فى العربية استني لحد صيانة الالف و روح تاني و يفضل ان تروح اي حته تاني غير يونيتد و انشاء الله خير

Dr.Khaled Youssef 22-10-2010 09:53 PM

رد: تجربتى القذرة مع يونايتد جروب
 
اقتباس:

المشاركة الأصلية كتبت بواسطة amrmohamed1975 (المشاركة 266905)
اولا الف مبروك العربية و ربنا يديك خيرها و يكفيك شرها يا باشا الحاجات دي هتلقيها موجودة فى اي توكيل فى مصر مش يونيتد جروب بس و الي انا اعرفه ان العربية الزيرو ما ينفعش تشغل التكييف قبل ال 1000 كم الاولي على العموم متخليش الحاجات دي تكرهك فى العربية استني لحد صيانة الالف و روح تاني و يفضل ان تروح اي حته تاني غير يونيتد و انشاء الله خير

انا فعلا كرهت العربية و حذرت اخى انه يشترى زيها لأن المصنع اللى يسمح بسيارة جديدة يحصل فيها كدة مايستاهلش ان الواحد يشترى اى عربية منه تانى كفاية انه سايب ناس زى دى تبقى توكيل ليه
انا كان عندى تويوتا كورولا 2005 زيرو الموتور كان ايه مسطرة مسطرررررررة
فرق شاااااااااااااااااااااااا ااااااسع فعلا

AbOnOrA 22-10-2010 09:58 PM

رد: تجربتى القذرة مع يونايتد جروب
 
اولاً مبروك على العربيه ربنا يهبك خيرها ويكفيك شرها
بصراحة انا برضو شايف انك لازم تصبر الالف الاولى وتعمل صيانة الالف فى اى مكان تانى
عندك مثلاً مركز نيسان ابوغالى اللى فى العبور مركز معتمد وواخد المركز الاول فى افريقياً
او مودرن موتورز

Dr.Khaled Youssef 22-10-2010 10:04 PM

رد: تجربتى القذرة مع يونايتد جروب
 
اقتباس:

المشاركة الأصلية كتبت بواسطة AboNoRa (المشاركة 266926)
اولاً مبروك على العربيه ربنا يهبك خيرها ويكفيك شرها
بصراحة انا برضو شايف انك لازم تصبر الالف الاولى وتعمل صيانة الالف فى اى مكان تانى
عندك مثلاً مركز نيسان ابوغالى اللى فى العبور مركز معتمد وواخد المركز الاول فى افريقياً
او مودرن موتورز

ابو نورا العزيز
الله يبارك فيك و يسمع منك يا رب
انا سمعت ان السبع زهراء المعادى محترمين جدا
اروح ابو غالى ولا مودرن الهايكستب ولا ابو رواش ولا السبع؟


الساعة الآن 07:50 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017