رد: عايزة عربية لقطة تعبت بجد
 

إقتراح يمكن يعجبك :
فكرتى فى ( فيات سيينا ) ؟؟
على فكرة ممكن تلاقى منها موديل 2008 بسعر 40 ألف وحالتها كويسة ..العربية سمعتها كويسة مش وحشة ...فكرى وإتفرج على صورها على النت ..أى نعم هى مش زى البيكانتو لكن مش وحشة

رد: عايزة عربية لقطة تعبت بجد
 

بصى يا اختى الكريمه
يا تشرى دماغك يا تشترى فلوسك
الجديد هاتريحى دماغك بس غالى
المستعمل مخاطره ومحتاج ان يكون معاكى ناس بتفهم ما ينفعش تروحى لوحدك بس ارخص
انتى بقه بتدورى على الوسط , وفى حالتك والله بجد اشترى دماغك فلوس الدنيا ما تسواش عطله فى الطريق او وقفه ميكانيكى

رد: عايزة عربية لقطة تعبت بجد
 

بصراحة مفكرتش اجيب فيات سيينا ومعنديش اي خبرة فيها ومعرفش عنها اي حاجة ولا شفتها من جوة قبل كدة عموما انا هدور عالنت واعرف عنها اكتر والف شكر لحضرتك للمتابعة

رد: عايزة عربية لقطة تعبت بجد
 

انا وضحت لحضرتك اني ليه رافضة الزيرو وبدور عالوسط وشايفة انه اسلم حل بس لما تكون عربية كويسة الزيرو انا خايفة اجازف وبردو مش بحب التقسيط والحمد لله هي دي امكانياتي اللي ربنا قدرني عليها فمش عايزة احمل نفسي فوق طاقتي

رد: عايزة عربية لقطة تعبت بجد
 

فيات سيينا جميلة من جوة وشيك أوى والصالون بتاعها مريح جداً ..وكمان العربية حجمها مش كبير أوى ومريحة فى الركنات بين العربيات خصوصاً إن مش كل البنات بتعرف تركن بسهولة ...الشكل الخارجى مقبول مش وحش وممكن كمان تختارى لون حريمى .. العربية ناعمة فى السحب وإقتصادية ،
أهم حاجة يا AlexGirl يابنتى ..تصلى صلاة إستخارة وتتوكلى على الله لأن التردد هو اللى مش مخليكى تعرفى تاخدى قرار ، وزى ما قولتلك كل حاجة مكتوبة عند ربنا وقرارك هيبقى هو نصيبك .. تقبلى تحياتى .