مصر موتورز مجتمع السيارات - ما هو أفضل جهاز انذار للسيارة ؟

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

- - ما هو أفضل جهاز انذار للسيارة ؟ (https://www.masrmotors.com/vb/showthread.php?t=7869)

ما هو أفضل جهاز انذار للسيارة ؟

ما هو أفضل جهاز انذار للسيارة ؟ يعنى أفضل و أرقى نوع اسمه ايه وبيشتغل ازاى وايه أفضل مركز أو مراكز لتركيبه ؟
يعنى أنا مثلا عندى كورولا 97 الشكل القديم بها جهاز انذار بتاع مصنعها وبيشتغل مع الكونتكت وصوته محترم ولا يعمل الا اذا تم فتح الباب ولم يتم وضع المفتاح الآصلى فى الكونتاكت ! مش زى الانذارات المتركبه فى بعض السيارات بتشتغل لو شوية هوا مروا بجانب السيارة أو قطه نطت عليها ( لا مؤاخذه ) أو البواب لاسمح الله حاول ينظف السيارة ! ولكم جزيل الشكر !

Dr. Bolbolanptmnlo123per1127

رد: ما هو أفضل جهاز انذار للسيارة ؟

يعنى ما حدش رد ؟؟ والله يا جماعه أنا مش بأعمل لكم امتحان بس الرجا من الاخوه الآعضاء اللى عندهم معلومه

عن هذا الموضوع يقولوا اللى عندهم لآنى ناوى أشترى السيراتو اس اكس بس ما شوفتش فى اعلان

الآويشن بتاعها انذار !! وبعدين معظم الانذارات اللى فى السوق عامله أصوات مثل لعب الآطفال الصينى اللى

فى العتبه وبتشتغل م الهوا Please يا جدعان !

Dr. Bolbolan ptmnlo123per144

رد: ما هو أفضل جهاز انذار للسيارة ؟

اقتباس:

المشاركة الأصلية كتبت بواسطة Bolbolan (المشاركة 40598)

أى جهاز صناعة تايوانى هيبقى كويس جدا لان التايوانى غير الصينى

و من جهة انة يشتغل لو قطة نطت على العربية

فدى سهلة ممكن حضرتك تخلى الكهربائى اللى يركبة يوطى الحساس بتاعة شوية

بحيس ما يشتغلش الأ لو حد رزع أو خبط جااامد على العربية

و مبروك مقدمأ العربية الجديدة

و ربنا يبارك لك فيها ان شاء الله

رد: ما هو أفضل جهاز انذار للسيارة ؟

فيه نوع مصرى اسمة وولف وانا مجربة مرتين فى عربية والدتى اول مرة عاش اكتر من خمس سنين وبعدين باظ ورجعنا جيبناه تانى

فى عربيتى مركب نوع اسمة UNO وده كورى وشغال كويس معايا برضو

بالنسبة للتركيب الولف المركز الرئيسى والتابع للمصنع مكانة فى اخر جسر السويس خلف سوق القنال الدولى
وفيه محل معتمد برضو بيبيع ويركب فى شارع التوفيقية (مش فاكر اسمة بالظبط بس هتلاقية حاطط يافطة كبيرة وعليها علامة الولف على المحل)

بالنسبة للاونو اللى انا مركبة ده التوكيل بتاعة فى مصر الجديدة لو تحب اوصفلك عنوانة بالظبط

رد: ما هو أفضل جهاز انذار للسيارة ؟

السلام عليكم
ممكن طيب توصفوا لي فين سوق القنال الدولي ؟ يعني في جسر السويس ناحية روكسي ولا المطار ؟
انا مشكلتي اني ماعنديش السينسور اصلا ومش قادر اتحكم في الانذار انه يشتغل امتى