مصر موتورز مجتمع السيارات - المتردد يشتري السيراتو يدخل يشوف الموضوع

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - المتردد يشتري السيراتو يدخل يشوف الموضوع (https://www.masrmotors.com/vb/showthread.php?t=30742)

المتردد يشتري السيراتو يدخل يشوف الموضوع

في البداية انا قررت اعمل الموضوع دا بعد لما شفت ناس كتير مترددة تجيب السيراتو.
في البداية والدي حجز العربية شهر 6 سنة 2009
و استلمها شهر 12 سنة 2009
يعني العربية بقلها معانا بتاع 8 شهور
العربية sx highline و هي دي الoptions الفيها:
فتحة سقف
جنوط 17
فرش جلد
دريكسيون multi function
rear parking system assistance
زرار لتشغيل الموتور start/stop button
مش عارف بظبط عملة كام كيلو بس احنا سافرنا بيها
قاهرة-اسكندرية رايح جاي
قاهرة-بورسعيد ~~~~~~
قاهرة-راس سدر~~~~~
و مشاوير في القاهرة و الي القاهرة الجديدة زي لبتجمع و الشروق
عامة لم يظهر في العربية اي اعطال و اعتقد ان والدي عمل صيانة في التوكيل مرة واحدة مش فاكر بظبت
التكيف كويس لحد ما هو مش جامد اوي
التكيف لا يؤثر نهائيا على موتور العربية او السحب
للاسف والدي ولا مرة شغلها مانيوال و لما سقتها مرضاش يخليني اعملها مانيوال فسأتها اوتوماتيك
العربية بتشيل كتير كنا رجعين من راس سدر و معانا شنط كتيييييير و حطين عجلتين كبار على الشنطة و مشغالين التكيف و والدي مشتكاش من الموتور و لا حاجة
الفرش الجلد ممتاز
و الدريكسيون مريح جدا
بس العيب الوالدي شايفوا انها بتستهلك بنزين كتير كان تقريبا الكومبيوتر حاسب استهلاك البنزين في اخر مرة سقت العربية 7.6 بعد كدة زاد ل 7.7

رد: المتردد يشتري السيراتو يدخل يشوف الموضوع

فعلا الفئة دى جامدة جدا ، مع واحد صاحبى و على طول واخدها منه و بصراحة العربية مافيش بعدها .
و بالنسبة لاستهلاك البنزين مش عالى ( 7 لتر كل 100 كيلو ، موتور 1600 ، ما اعرفش كنت مشغل التكيف ولا لأ وقت القياس ده ) ، يعتبر استهلاك فى المعقول .

رد: المتردد يشتري السيراتو يدخل يشوف الموضوع

ماشي الكلام دا حلو بس انا صراحه بعد ما اقتنعت بيها رجعت تاني ف رائي لان واحد صاحبي شافها قدام عينو كلت نقره ف الارض الكوتشات اتعوجت لبره من المقصات بتعتها وسمعت كذا حوار عن ان مقصتها مش بتستحمل وياريتو كان عيب تاني غير دا ف صراحه الواحد لو جابها مش هيبقي واثق فيها علي طريق

رد: المتردد يشتري السيراتو يدخل يشوف الموضوع

لوسمحتو يا جماعة الخير ممكن حد يرد على موضوع المقصات دى علشان ده بصراحه موضوع يقلق انا خلاص قررت اشترى السيارة دى بعد عناء فى التفكير فالموضوع مش ناقص

ياريت حد يرد علينا بسرعه لو سمحتو,,,,,, وشكرا

رد: المتردد يشتري السيراتو يدخل يشوف الموضوع

اقتباس:

المشاركة الأصلية كتبت بواسطة sayedkamal (المشاركة 217742)

يا اخى الفاضل السيارة معايا عاملة 15 الف كيلو والحمد لله طلقة ذى الفل ولا اى مشاكل والعفشة تمام والمقصات ذى الفل مش عارف الاشاعات دى بناء على اية؟؟؟؟
والعربية معايا جنط 16