تنصحونى بأيه
 

انا بصراحة بأفكر اجيب عربية وتركيزى كله كان في الفيات لينيا وبأمانة النيو سيراتو ما كنتش بحبها خالص بس بدأت أفكر فيها مش اجيبها لا اغير طبعا فكرتى عنها بس طبعا هي كوري واللينيا ايطالي ودي 1600 ودي 1400
بس اللينيا بصراحة ميال ليها فياريت يا جماعة تفيدونى ومن غير تحيز للسيراتو لانها بقالها شهور وللاسف منتشرة جدا

رد: تنصحونى بأيه
 

ايه يا جماعة يعني 10 مشاهدات لو كل عضو بس حط رأيه أكيد كلنا هنستفيد

رد: تنصحونى بأيه
 

اهلاا و سهلا بيك معانا في المنتدي و شكرا لثقتك الغاليه:)
بالنسبه للسيراتو عربيه كويسه
لكن اللينيا افضل من حيث الامان و العتماديه
و للعلم اللينيا تقفيل تركي و ليس ايطالي
و عربيه ممتازه من جميع النواحي
و بالنسبه لقطع الغيار مش حتبقي اغلي من السيراتو
عيبها الوحيد في نظري هو الموتور ال 77 حصان
لكن فيه ناس كتير قالت عليه سحبه معقول مش وحش
و لو جبت التيربو يبقي تنسي ان اي عربيه من نفس الفئه تعرف تشد معاك او تجيبك
و مشكله كمان و هيا سعر اعاده البيع حيكون اقل شويه
و دا لحب الناس في الكوري و الياباني
لكن الايطالي ركوبه احسن من دا كله و عربيات معمره

رد: تنصحونى بأيه
 

الف شكر ليك يا حازم وعقبال بقاية الأعضاء ما تخش وتتحرك وتكتب حاجة انما اسمحلي بالنسبة لنقطة سعر اعادة البيع دي العربيات مثلا اللى مش منتشرة هنفضل نقول كدا لغاية ما تتمحى انما لو واحد واتنين جابوها هتنتشر وهيبقي ليها سوق

رد: تنصحونى بأيه
 

اللينيا ابتدت تنتشر خصوصا بعد تخفيض سعرها ...
العربيه ممتازه بمواصفاتها و امكانياتها ...
مشكلتها انها فتيس مانيوال فقط و بالتالي فقدت شريحه كبيره وحصه محترمه من السوق
غير ان التوكيل اوماترا لسه عليه علامات استفهام بعكس توكيل كيا

برغم حبي الشديد للايطالي و لعلامه فيات لكني حفضل اجيب عربيه اوتو عن مانيوال ..
وبالتالي حختار السيراتو ... او افكر في البرافو تي جيت ديوال لوجيك واربيها مع العيال :)