ما هو افضل زيت لتويوتا كريسيدا
 

بداية السلام عليكم و كل عام و حضراتكم بخير كنت عايز اعرف ايه افضل زيت موتور لتويوتا كريسدا موديل 83 مع العلم ان الموتور بياكل زيت و انا بأستخدمها فى سفريات طويلة حوالى 700 كيلو رايح و زيهم جاى كل اربعة شهور تقريباً
شاكر لحضراتكم تعاونكم

رد: ما هو افضل زيت لتويوتا كريسيدا
 

يعنى موتور يابانى حالتة من متوسطة الى اقل بيتعرض لساعات عمل طويلة وحرارة وفقد زيت يبقى افضل زيت شل هيلكس زيت محرك معدنى ولزوجتة ممتازة للحالات ديه وبيستحمل شقا وحرارة ونقص الزيت عن تجربة
ولو الحالة اسواء من متوسط يبقى شيل الاحمر
http://www.shell.com/motorist/oils-l...ack-shots.jpeg


اسعار وانواع زيوت السيارات فى السوق المصرى

رد: ما هو افضل زيت لتويوتا كريسيدا
 

الف شكر يا استاذ ابو نورا على ردك الكريم عندى إستفسار تانى لو سمحت ايه رأيك فى عمل الفلاش للموتور هل ده ممكن يضر الموتور عندى عشان قديم ؟ و لا ممكن يكون له تأثير ايجابى ؟؟؟ اكرر شكرى لحضرتك على مجهودك و معلوماتك اللى مش بتبخل بيها على حد

رد: ما هو افضل زيت لتويوتا كريسيدا
 

لا شكر على واجب وبعتذر عن التاخير فى الرد ، وكل سنة وحضرتك طيب وبخير يارب
بالنسبة للموتور فلاش الموضوع مش 1+1=2 بالعكس الموضوع متغير على حسب حالة موتورك وطريقة تنفيذ الفلاش ممكن يحسن من ادائه وممكن يسبب مشاكل ، فمثلا مع المواتير القديمة اللى المفروض محتاجة الفلاش اكتر ممكن يجيب نتيجة ممتازة ويفتح الموتور وادائه يتحسن بشكل كبير وممكن مع موتور تانى التنظيف يظهر شقوق كانت مدارية ومش عاملة مشاكل او يتلف مكونات غير معدنية زى الجوانات والاويل سيل وبعد الفلاش بكام يوم الموتور يجيب جوان او يقفش ومتبقاش عارف ايه السبب

علشان كدة بقول الموضوع مش اكيد نتيجتة ايجابية فى كل الحالات وصعب حد يحدد النتيجة لحالة موتورك وفيها دايما نسبة مخاطرة
فى المقابل لو اهتميت بتغيير الزيت المناسب وكل مرة تغير زيت وفلتر مش زيت على نفس الفلتر وسرعت دورة تغييرة مش هتحتاج تعمل فلاش لان اى زيت فيه نسبة منظفات طبيعي ومش بتاثر جامد على حاجة بس انت غيرة بصورة دورية مناسبة

رد: ما هو افضل زيت لتويوتا كريسيدا
 

شكرا على رد حضرتك و مفيش تأخير و لا حاجة كان الله فى عونك لو حترد كل يوم على 100 مشاركة بس تبقى عايز لك 24 ساعة فوق ال 24 ساعة بتوعنا :010104~171: وحعمل بنصيحة حضرتك و حغير الزيت على 3000 كيلو منها تبقى المدة قصيرة و فى نفس الوقت توفير :THUMBS~220: لأن زى ما قولت ان الموتور بياكل الزيت فملهاش معنى انى احط له زيت يتغير على 5000 مدام كده كده حيتاكل قبل نهاية المدة
حروح توكيل شل النهاردة
اكرر شكرى على وقت حضرتك و معلوماتك