[طلب مساعدة] بعد شراء فيات اونو سؤال بخصوص سعر موتور سيارة اونو او سعر العمره وايهما افضل
 

[طلب مساعدة] بخصوص سعر موتور سيارة اونو او سعر العمره وايهما افضل
 

رد: [طلب مساعدة] بعد شراء فيات اونو سؤال بخصوص سعر موتور سيارة اونو او سعر العمره وايهما افضل
 

الميكانيكي طالما بيقول الموتور ب 1800 و محتاج شنبر كمان يبقي مش عاوزك تشتري موتور.
الميكانيكي لو شاطر بيروح يشتري الموتور و بيشغله علي الارض و بيسمع صوته و بيعرف
اذا كان حلو ولا وحش
انا الميكانيكي دا عاوز يعمل عمره و السلام .
عموما العمره مش وحشه لو اتعملت صح و عند ميكانيكي محترم و قطع الغيار تكون كويسه.

انا بفضل شراء الموتور لانه بيجي كامل استيراد و بتقفيل الفابريكه مش مفتوح ولا متعمر قبل كده
و بيجي بالكاربيراتير و الدينامو و المارش وسبراتير و الفتيس كمان لو متفق تشتري الموتور بالفتيس
يعني بيبقي عندك قطع غيار كتير من الموتور القديم تنفعك لو لا قدر الله حصل اي مشكله.

رد: [طلب مساعدة] بعد شراء فيات اونو سؤال بخصوص سعر موتور سيارة اونو او سعر العمره وايهما افضل
 

شكرا لردك جدا
ومن ناحية انه شاطر فـ هو بشهادة الجميع ممتاز
وطيب سعر العمره كدا كويس ؟
ولو موتور جديد هيكون بكام؟؟؟؟؟ حوالى على الاقل؟
وهل العمره دى هتكون كفاية كأنه موتور جديد يعنى ولا اى كلام هى ...مش معقول اكون لسة شارى عربية وتكون فاتحة بؤها...........

رد: [طلب مساعدة] بعد شراء فيات اونو سؤال بخصوص سعر موتور سيارة اونو او سعر العمره وايهما افضل
 

العمره تتكلف كام بالضبط مش عارف اسعار حتي لو عارف مش حقدر افيدك
الا لما الموتور يتفك يعني ممكن تعمل عمره و تلاقي طقم الدبرياج كمان بيشاور عقله او نص نص
فبالمره حتغيره و تلاقيه لوحده ب 300 جنيه اقل واجب
و الميكانيكي لو شاطر و بيودي الموتور عند مخرطه نضيفه العمره حتطلع كويسه بأذن الله.
تمن الموتور برضه ما اعرفش
ممكن تنزل الوكاله او عزبه شلبي تسأل هناك