مصر موتورز مجتمع السيارات - أعرف كل شئ عن السباكة

اقتباس:

المشاركة الأصلية كتبت بواسطة samy6666 (المشاركة 670408)

السلام عليكم
بصراحة حضرتكم غاية في التعاون وخبرتك كبيرة فلك جزيل الشكر علي هذا المجهود انا متابع منفترة طويلة نظرا لاني كنت بابني فيلا والان وصلت لمرحلة السباكة والمهندس المشرف جايب صنايعي من طرفه شغال معاه في مشاريع تانيه . المهم ان تكلفة المواد وصلت ل 24 الف جنيه لكامل الفيلا ماعدا تركيبات ري الجنينة خارج المبني علما بان الفيلا فيها :
بدروم + ارضي + 2 دور متكرر بالاضافة للرووف
1- البدروم يشمل 2 حمام واوفيس
2- الارضي يشمل حمام مكتب + مغاسل للضيوف بحمامها + المطبخ به الغسالة
3- المتكرر يشمل حمام غرفة النوم الرئيسية به شور روم وجاكوزي وقاعدة حمام بالاضافة الي حوض مغاسل
ارجو التكرم بمساعدتي هل الخامات كده تكلفتها مظبوطة ؟ تقريبا تكلفة شغل اليد تقريبا توصل كام ؟

شكرراا مقدمااا
احمد

السلام عليكم ورحمة الله وبركاته
أ. أحمد
ألف ألف شكر على ثقتك الغالية فى وأتمنى من المولى عز وجل أن أقدر أفيدك
بخصوص ثمن البضاعة فهو معقول تقريبا
بس فى نقطتين أحب أشرحهم لحضرتك ولك حرية الاختيارفى البضاعة
النقطة الاولى
وهى أن حضرتك ممكن تشترى البضاعة من السبتية القاهرة من محلات الجملة وهذا سوف يوفر لك فى الثمن عن أى مكان أخرلكن
فى مبدا أن كل الشركات هناك تتبع أسلوب
البضاعة المباعة لا ترد ولاتستبدل
النقطه الثانية
وهى أن حضرتك ممكن تشترى من أى مكان قريب من الفيلا والاتفاق مع صاحب المكان أن أى بضاعة تبقى من الشغل ممكن ترد أليه أو أستبدالها
وهذا يفيد حضرتك لأن السباك بيزود حجات بسيطة عن الكمية المطلوبة فعليا
وذلك لأن ظروف العمل فى بعض الاحيان تلزمة بتعديلات وبناء عليه فمن الوارد أن يحتاج يغير قطعة من البضائع بشىء أخرفهنا الاتفاق مع التاجر هيفيدك بدل من تشترى مرة أخرى
وفى نهاية العمل تجد عندك بضائع ذيادة لا تعرف ماذا تفعل بها حتى ولو ثمنهم 100جنيه فهى خسارة عليك
أتمنى أن أكون قدرت أوصلك المعلومة ولو فى أى حاجة أرجو الاتصال بى
أما بخصوص المصنعية فهى ليست ثابته فى كل الاماكن
المصنعية بالنسبة لى تحدد حسب بعد المكان وأيضا حجم الاعمال
يعنى ممكن يكون الفيلا مثلا الصرف الموجود فى الشارع قريب فسعر مصنعيته يختلف عن لو كان مسافته بعيدة وحاجات ثانية كتير
لذلك لا أستطيع أن أعطيك سعر مصنعية دون معاينة المكان وأعزرنى أن لم أستطع أفدتك فى هذا الموضوع
لك منى كل تقدير وأحترام
وأتمنى أن أكون أفدتك
أخوك أيمن أبو شروق
01005314147
01287710555