مصر موتورز مجتمع السيارات - عيوب ومميزات السيراتو من مهندس صيانة بالتوكيل

اقتباس:

المشاركة الأصلية كتبت بواسطة dr.wael7yran (المشاركة 502581)

استاذ احمد
انا برده في رحلة البحث عن سيارة
بس انا افرق عنك اني اشتريت زيرو كتيير ....
و انا موش خبرة اوي في العربيات بس خلينا نتبادل الافكار...
الثبات و السلاسة و العفشة الناعمة و العملية و الامان و الجمال علشان يتوفروا كلهم في عربية واحدة يبقى احنا بنتكلم في 160 الف و انت طالع فلوس كتير
يعني السيفيك و الكورولا و الاوكتافيا و الفيكترا و الجيتا و الحاجات الجميلة دي اللي ميختلفش عليها اتنين ...معليش لازم نبقى صادقين مع نفسنا
الالنترا و السيراتو و الكروز و الصني و اللانسر و السكالا دي فئة تانية
و للاسف موش كاملة الاوصاف
يعني اللانسر سيارة الشعب ..محترمة و جميلة
و اكتر من ال 128
بس تلمة صح ...:w6w200504112236376d؟؟
و الالنترا الشكل القديم ...كانت بتتباع مع السيراتو راس براس
مع الناس لو تعرف ان الالنترا و السيراتو من شركة واحدة
بس الالنترا الاتجاه العملي ... و السراتو الاتجاه الرياضي
زي السكودا و السيات كده في فولكس فاجن ...تصميمات واحدة و بيحوروا فيها ...عشان يرضوا الزبون :pty:
موش عايز اطول عليك
انا سقت الالنترا و السيراتو و الصني و انا معايا لانسر
الصني خارج المعادلة ...مالهاش لازمة
اللانسر .. ياباني عملية اتقلهم على الارض و احسن عزل صوتي و متحسيش بالارض اوي و تحس انك راكب عربية موديل 2000:12422A~17:
الالنترا ...ناعمة و حنينة و واطية و شكلها اوحش من السيراتو و توكيلها شديد
السيراتو ..رياضية و خفيفة و عالية و مشجعة على الجري (بستفز السواق بجد) و اكتر واحدة بتحس بالطريق و انت سايقها
من الاخر
موش فارقة كتييير...مفيش واحدة منهم كاملة و تستحق الميت الف جندي :fun_drinking:
شوف انت مستريح لمين و استخير و هاتها
و يارب اكون افدتك و ملخبطتش دماغك :12422A~17:
و تقبل سلامي

د/ وائل باشا, أولا ألف مبروك على إنهاء الحيرة وشراء اللوجان :018A1D~146:

ثانيا شكرا لكل الردود بتاعت حضراتكم وكلها تحترم.

ثالثا لكل من يهمه الأمر, أنا تفكيري إختلف 180 درجة :crazyW14:

دلوقت رسيت (حتى إشعار آخر) على لانسر 1600 إستعمال 2007 أو 2008 أوتوماتك, وعلى فكرة قبل ما أقراء ردك يا د/ وائل لأني لسه قاريه حالاً, فسبحان الله الظاهر ربنا هداني للسكه الأصلح ليه دلوقت.

لكن تقصد إيه أنك تحس إنك راكب عربيه موديل 2000, لو كنت تقصد كشكل أو أبشنز, فبصراحه أنا راكب دلوقت موديا 83 وكمان بتاعت الوالد مش بتاعتى, فأنا حتى لو جبت توكتوك موديل 2008 حيكون أجدد :shy:

بس بصراحة أنا شايف (ودي أزواق, معلش حرف الزال معلق في الكيبورد فمضطر استبدله بحرف الزين!) إن الانسر شكلها شيك وهادي (كل اليابانى كده) مش مفتكس بس شيك, وده برضه بالنسبة لصالونها والتابلوه.

إدعولى أستقر وربنا يهدينى لعربيه حالتها نظيفة وعدادها مش عامل كتير وسعرها لقطه.