آلة التنبية
آلة التنبيه أحيانا تشتغل و أحيانا لا هل ده عيب بطارية ولا عيب شحن خاصة ان العربية مشيها قليل ممكن 10 كم فى اليوم
أبقى ماشى ألاقيها مش شغالة بعد شوية تشتغل يبقى ايه ده العربية نيوأكسنت 2010 و عاملة 14000 كم |
رد: آلة التنبية
بص فية أكثر من إحتمال
اولا : ممكن يكون كابل الارضى للكلاكس غير مربوط جيداً ثانيا : ممكن يكون فيوز الكلاكس بيعلق ثالثا : ممكن يكون فية مشكلة فى الكلاكس نفسة واللهُ تعالي أعلي وأعلم |
رد: آلة التنبية
بص والله احنا عندنا 2 نيو اكسنت واحده 2010 والتانيه 2011 والكالكس فيهم بيعمل نفس المشكله بتاعتك دي كمان وغير كده برضو في الكاسيت الcd باظ مع العلم انه ماشتغلش غير 5 او 6 مرات كمان غير ان الجهاز نفسه سعات بيهنج .. انصحك تغير الكالكس لان ده عيب فيه اصلا مش عيب في التوصيلات ولا حاجه . بالتوفيق
|
رد: آلة التنبية
الموضوع ده كان عملي مشكلة والخلاصه
بعد عمل تيست علي الفيوزات والاسلاك والارضي ... الخ لو الكلاكس بيعلق مثلا مع حركة الدريكسيون يمين وشمال ممكن يشتغل ويعطل وهكذا .. بيكون من النحاسة الخاصة بتوصيل الكهرباء لزرار الكلاكس خلف طارة الدركسيون وبيتفك الطارة وبيركب نحاسه اطول شوية ودي تجربتي .. وعربيتي مش نيو اكسنت بس حبيت اوصلك لسكه لحل مشكلتك ودي صور للتوضيح دي شكل النحاسة الجديده http://www.masr1.com/di-LYZP.jpg ودي شكل النحاسه القديمة وهيه راكبه مكانها وكانت قصيره وبتعلق http://www.masr1.com/di-C4BC.jpg وده شكل الدائرة النحاسية بطارة الدريكسيون والمفروض ان بيكون فيه تلامس بين الدائرة النحاسية دي وعمود النحاس اللي بالصورة السابقة .. ولما بيحصل تأكل الكلاكس بيعلق http://www.masr1.com/di-Z0BZ.jpg |
الساعة الآن 10:34 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017