موقف على طريق سريع : هل انا كده غلطان
 

بسم الله الرحمن الرحيم
كنت على طريق سريع يشيل حوالى 5 حارات رايح وجاى وعايز اقطع لمدخل جانبى
المهم علشان الطريق سريع ومش متعود اسوق عليه رحت مشغل الانتظار وقربت من الحاره اللى فى الوسط براحه خالص بس المقابل كان كتير فاضطريت ان اقف خالص
وحارتين جنبى فاضيين على اليمين وحارتين فاضيه جنبى سيبهم للمقابل لغايه مالاقى فرصه واعدى.
ولما لقيت الفرصه بصيت فى المرايات لقيت عربيه نص نقل جايه بسرعه جدا وورايا على طول قولت لما ادخل مدخلى بسرعه بما انى فى الحاره اللى فى الوسط ودخلت شمال لقيته داخل شمال برضه بسرعته الرهيبه دى واضطر يدخل الحاره الاخيره شمال مع ان الحارتين اليمين فاضيين خالص.
طبعا الحمد لله انى نجيت ومخابطنيش لانه دخل شمال معايا فلميت نفسى بسرعه ومكانش فى مقابل قصاده.
فى موقف زى ده مين اللى غلطان وكان المفروض اعمل ايه علشان اقطع طريق زى ده.

رد: موقف على طريق سريع : هل انا كده غلطان
 

مبدئياً ده موقف عجزت إدارة المرور المصرية إنها تحله
أنا ساكن فى المعادى, عالأوتوستراد للقادم من حلوان و متجه للكورنيش حاجه من 2 :
1- يا إما يأخد أول يوتيرن أمام بنزينة توتال و يضطر يقطع الطريق من أقصى اليسار لأقصى اليمين لإن ده المدخل الوحيد (داخل مساكن الأمل) و إلا هيضطر يمشى لآخر سور سجن ليمان طرة و يلاقى نفسة بقى فى كوتسيكا.
2- يا إما يسيب أول يوتيرن و يأخد إللى بعده , و ده يطلعك لحد صقرقريش, كل ده علشان تطلع كورنيش
طبعاً مصر كلها بتاخد الطريق ده خطف, من أقصى الشمال لليمين, فى ناس بتسحب نفسها واحده واحده و سط العربيات الطايرة و ده قمة الخطورة
أنا بصراحه بعد كذا محاوله أتأكدت إن اللى صمم الطريق ده مكانش فى كامل قواه العقلية, و بقيت بأستنى لحد ما ربنا يكرمنا بعربية نقل بجرار تآخد اليوتيرن و تقفل لنا الطريق مؤقتاً علشان نعدى.
و ربنا يسلم طريقنا جميعاً