هل في فرق بين التصليح في التوكيل او خارج التوكيل
 

الحمد الله اشتريت نيسان صني 2012 اوتوماتيك ايه بي اس عربية هايلة ومحترمة جدا واشترتها بناءا علي نصايح المنتدي ده وعملت صيانة الالف النهاردة في مودرن موتورز ابو رواش مركز محترم بجد كان عندي صوت تزيق خفيف في التابلوه وصلحوه الحمد لله ولأن الرياح دايما تأتي بما لاتشتهي السفن وانا راجع وماشي بسرعة 5 كم والله عشان الزحمة سيدة محترمة راكبة باسات تدخل فيا من ورا هو مش بسرعة اوي بس خبطت الاكصدام من الجنب اليمين حصل قطع فيه حوالي 8 سم وللاسف الخبطة خزنت في حوض الشنطة بس بسيطة وفي كلبس من الاكصدام اتكسر والشنطة مبتقفلش كويس وعملت فرق بسيط بين الشنطة والرفرف اليمين .........الحمد الله علي كل شيء طبعا بس مزعلاني اوي انا مأمن علي العربية بس عاوز اعرف لو وديتها التوكيل هاترجع زي الفابريكة تاني ولا لأ وانهي توكيل احسن خصوصا في حوارات السمكرة.....منتظر منكم الافادة وشكرا لكم

رد: هل في فرق بين التصليح في التوكيل او خارج التوكيل
 

رد: هل في فرق بين التصليح في التوكيل او خارج التوكيل
 

بسيطه و ان شاء ترجع زي الاول وقدر الله وما شاء فعل بخصوص الشنطه والفرق التوكيل هيعملهولك ان شاء الله وترجع زي الاول واحسن اما الاكصدام فأظن ان التوكيل ممكن يقلك غير واحد جديد وميلحموش فلو قلك كده وانا مش متاكد تبقي تعمله بره عند سمكري نضيف وهيلحمه وبرجعه زي الاول وهتحتاج ترش مكانه وكده كده معظم الاكصدامات عالعربيات في مصر بتخخبط وبتتلحم وبترش اهم حاجه ان يكون جسم العربيه مش مرشوش وكلها حاجات بسيطه والحمد لله انها جت علي اقد كده عشان تاخد العين وكل العربيات في مصر بتتخبط يوميا اهم حاجه مjجيش في الواحد وربنا يوفق للخير

رد: هل في فرق بين التصليح في التوكيل او خارج التوكيل
 

رحت عملتها في مودرن موتورز الهايكستب مبدئيا اول ماعرف اني مأمن ضرب سعر خيالي 6000 وشوية كده قولت ماشي خليني وراهم قالي هغير اكصدام وضهر خلفي الصاج عشان كان فيه تخزينة بسيطة المهم جيت استلمها غيرو الاكصدام فعلا ومغيروش الضهر الخلفي عملوه سمكره بس الفينش بتاعهم زي الزفت حاسس انهم عابولي العربية الضهر من جوا لونه زيتي والعربية لونها اسود رشوه من جوه اسود ازاي معرفش غباء بعيد عنكم وفي الخر يقولي 3800 بسئل ليه قالي الاكصدام ب 1900 جنيه قولتله لا ب 800 وده سعره وشديت معاه طلع الحوار في الاخر نصبة مع التأمين وعشان انا هددتهم حاسبت عليه ب 800 ابقو خلو بالكو خصوصا اللي عامل تأمين MAD