حكايتى مع اللانوس النهارده
النهارده كنت فى مشوار للقاهرة وانا راجع بضرب بعينى مؤشر الحرارة لقيته وصل للاحمر بسرعة ركنت فى جنب وبطلت العربية ونزلت فتحت الكبوت لقيت قربة المياه فارغة تماما مع انى كنت مزودها قبل مسافر
بصيت علي اشوف المياه دى راحت فين لقيت خرطومين التكييف اللى راكبين في المشترك اللى تحت المانيفول مقطوعين من الجنب وبيطلعوا بخار مياه وطبعا جبت ونش شال العربية وودتها للميكانيكى فقام قطع الجزء اللى بايظ من الخرطومين واعاد تركيبهم بافيزين جداد وقالى ده حل مؤقت على متلاقي خراطيم تانية لان صعب تلاقيهم وبالمرة غير طلمبة المياه لانه لاقاها بتنقط وبتسرب ميه ودورت العربية وقالى راقب العداد ولو ارتفع مرة تانية يبقى الموضوع فيه جوان وش سلندر لكن لحد دلوقتى والحمد لله الحرارة ثابتة رجعت بالعربية من مشوار الكلام ده كان العصر وركنتها وبعد العشا بدور العربية لقيت العربية بتدور بالعافية والعربية بترج جامد وصوت خربطة بالكبوت ونور التابلوه بيضعف في التابلوه مع التدوير المهم العربية دارت وروحت مشوارى وبطلت العربية ودورتها تانى اشوف هتدور بصورة طبيعية والا لا لقيتها دارت عادى ومن ساعة كده بدور العربية عملتها تانى العربية بترج جامد وصوت طقطقه جاى من الكبوت فانا ملاحظ ان العربية وهى سخنه بتدور عادى لكن وهى بارده مش بتبقى طبيعية ياترى المشكلة فين بالظبط؟ اسف للاطالة |
رد: حكايتى مع اللانوس النهارده
لما بتحصل المشكلة دى لمبة check بتنور؟
لو بتنور ممكن تكون مشكلة فى حساس معين وده بيبان بكشف الكومبيوتر لو مش منورة تبقى البوجيهات مرطبة ومحتاجة تتغير |
رد: حكايتى مع اللانوس النهارده
تسمح ترفع مقاس الزيت وتشوف مستواها .....هل عالى عن المعتاد؟؟
|
رد: حكايتى مع اللانوس النهارده
اشكركم على ردودكم بس انا عرفت السبب منين اتضح ان المشكلة فى البطارية لانى جربت بطارية تانية العربية دارت من اول تكة
|
رد: حكايتى مع اللانوس النهارده
رجاء سرعة تغيير الزيت
لأن السخونة الزيادة بتبوظ الزيت ------------ وطبعا الخراطيم ضربت من ضغط الميام اللى بتغلى والمياه بتغلى والبخارنتيجة نقص المياه من الطرمبة |
الساعة الآن 07:58 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017