تعرف على حالة وش السلندر بمسطره وفيللر وشوية ميه
يتعرض الكثير منا لضرورة حل وش السلندر من أجل تغيير جوان الوش
سواء فى حالة العمرات أو فى حالة تعرض محرك السياره لظروف تشغيل طارئه مثل المشاكل المتعلقه بدورة تبريد المحرك والأرتفاع الفجائى لدرجة حرارة المحرك وبالتالى تلف بنيان جوان وش السلندر وبلاشك فأن الحراره الزائده عن الحدود التصميميه ذات تأثير على الماده الخام المصنع منها الوش فى تلك الظروف يجب على مالك السياره الأصرار على أختبار أستقامة الوش وبالمره يشوف حالة تطبيع الصبابات قبل تركيب جوان الوش الجديد _________________________ ______ طبعا هناك أصول هندسيه للتعرف على حالة الوش الفنيه سواء بعمل أختبار شروخ بواسطة الماء المضغوط أو بأستخدام أختراق الصبعه الملونه dye pentrantلأماكن الشروخ ( أن وجدت ) أيضا هناك قياسات هندسيه بواسطة أجهزه دقيقه لمعرفة حالة تقوس الوش من عدمه _________________________ ________ للأسف التكنيك ده من القياسات والأختبارات لمدى حالة الوش غير متاح فى ورش الصيانه الصغيره نظرا لوجود بليه ودماغه العاليه طيب أنا كمالك سياره عادى وتعرضت لمثل تلك الظروف أاقدر أزاى أشيك على حالة الوش ولو بطريقه بلدى تقريبيه تقدر فعلا تعمل ده وبنفسك أن أردت طبعا هناك حدود لمعدل التقوس من خلال داتا هندسيه معينه يمكن التغاضى عنها وعدم أرسال الوش للمخرطه بهدف عمل تسويه لضبط أستقامة الوش وعمل تفريزات جديده لقواعد الصبابات نعمل أيه أحنا كأناس عاديين بمنتهى البساطه العده المطلوبه ..........مش حتكلفك شىء يذكر 1- مسطره خشبيه بسمك معقول وبأسطح فائقة النعومه 2- فيللر أو مجس ورقى 3- شوية ميه كويسين وشوية صيغه حمراء اللون مثلا ________________________ 1- سيتم قلب الوش على الجانب الآخر بحيث تكون الصبابات لأسفل 2- نظافه فائقه للوش من بقايا جوان الوش القديم 3- بالمسطره وحنبدأ نحطها طوليا على الوش كأننا بناخد سطور طوليه على ورقه بيضاء 4- أثناء وضع المسطره طوليا يتم أخذ خلوصات من تحت المسطره بين المسطره وسطح الوش الأملس 5- عدم دخول ورق الفيللر الدقيق فى هذا الخلوص شىء جميل ومطلوب 6 - بعد عمل تلك التجربه فى أكثر من موضع طوليا ......يتم تنفيذ نفس الشىء عرضيا ........كأنك بتعمل مربعات وهميه نفترض بأه لقينا كله تمام والخلوصات تكاد لاتذكر فى كل نقطه يتم فيها أخذ الخلوص بين أسفل المسطره وسطح الوش الأملس ده مؤشر جميل وبيدل على عدم حاجة الوش للذهاب إلى المخرطه وحتى أن وجدت خلوصات قليليه جدا ( وده منطقى ) نظرا لظروف التشغيل فأبشر بنجاح الوش فى التركيب مره أخرى بالمحرك ولن تحتاج لقشط الوش أو تغييره لأن عملية تصنيع جوانات أوشاش السلندرات بيراعى فيها أمتصاص أى خلوصات غير مؤثره نظرا لطبيعة خامة الجوان وعزوم الرباط وطريقة الرباط التى تسلط على الأوشاش _________________________ _______ طيب كده أطمئنينا لصلاحية أستواء الوش وكده أنا مش حدى فرصه لحد يلعب بينا من ضعاف النفوس _________________________ ____ عاوز بأه أعرف الوش ده محتاج يتعمله روديه ولا لا قبل تركيبه بسيطه حنقلب الوش تانى على وضعه الطبيعى على سطح أملس وناعم لعدم تعرضه للخدوش حنجيب وعاء به ماء عادى ونضع كميه من الصبغه الملونه ( حمراء كما أتفقنا مثلا ) حنملى فتحات دخول الهواء للوش بالمياه الملونه ونفس الشىء لفتحات خروج العادم بحيث كل الميه الملونه تطول مناطق جلوس أقراص الصبابات على قواعد الصبابات المشحوطه بالوش مع مراعاة عدم تعرض الوش السفلى الناعم للوش لأى تلوث بالمياه الملونه نسيب بيض شم النسيم ده ..........فتره من الوقت وليكن ربع ساعه من أجل تلوين البيض عاوزين بأه نشوف كفاءة حبك الصبابات من تحت أاقلب الوش لتفريغ مابه من ماء ملون وبص على أقراص الصبابات من تحت لقيت فيه تلوث شديده بالماء الملون الأحمر فيما حول أقراص الصبابات من أسفل يبقى أنت محتاج روديه طالما أنت حالل الوش بره المكنه وبالمره حتغير كاوتش صباب |
رد: تعرف على حالة وش السلندر بمسطره وفيللر وشوية ميه
الله الله الله الله ينور عليك يا م / سمير و يزيدك من علمه كمان و كمان ان شاء الله مداخلة صغيرة جدا جدا ،،، للايضاح علشان نختبر الصبابات مثلما افاد معلمنا الجليل لازم طبعا يكون عامود الكامة مفكوك علشان تبقي كل الصبابات قافلة علي الوش |
رد: تعرف على حالة وش السلندر بمسطره وفيللر وشوية ميه
اقتباس:
بيكون فين عمود الكامات وهناك غرف حريق قافله لأن بستمها فى حالة نهاية أنضغاط وبداية تمدد وبرضه قول لمعلمنا الجليل ما أحنا ممكن نحرر عمود الكامه كل مره بنختبر فيها وش غرفه من الغرف إللى بيغطيها الوش الكلى بلف عمود الكامه حسب رغبتنا ونشوف عدم أرتكاز نهاية تفاحة الكامات على الصبابات للغرفه الفلانيه لضمان وجود الصبابات فى وضع غلق ( سحب وعادم ) بتحرير كامات عمود الكامه كل مره مثلا وأن حكمت نختبر تطبيع الصبابات على أربع مراحل _______________________ أذا معلمنا الجليل لم يدرس الفقه بطريقه صحيحه وأنما بيجتهد فى الفقه |
رد: تعرف على حالة وش السلندر بمسطره وفيللر وشوية ميه
مشكور يا باش مهندس سمير وربنا يزيدك من العلم ما تنفع به دائماً غيرك
|
رد: تعرف على حالة وش السلندر بمسطره وفيللر وشوية ميه
الله يخليك
أستاذ : صلاح |
الساعة الآن 04:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017