استفسار عن رجرجة وفصل العربية
 

السلام عليكم

--

انا عندى استفسار ياجماعة

انا اول ما انزل الصبح وادور العربية

تمشى تمام جداً ولما اقف بردو تبقى واقفة عادى مفيش اى مشكلة ( لو وقفت فى اشارة يعنى)

لكن بعد مدة من المشى وكدا الاقى العربية ترجرج جامد لو وقفت فى اشارة مثلاً والرجرجة تخف شوية لو جبت الفتيس فى n او p لكن بردو تفضل موجودة لكن اول مانزل الصبح مفيش حاجة اسمها رجرجة خالص

الجدير بالذكر انى لو بطلبت العربية ووقفت جنبها شوية ورجعت تانى ادور وكدا الرجرجة تفضل موجودة بردو يعنى العربية مش بتبقى فى حالتها اوى الا اول ما انزل الصبح والف شوية


--

تانى مشكلة

انى بردو بعد ما الف شوية بالعربية مش اول مانزل ,, سبحان الله اول مانزل العربية بتبقى مكيفانى اوى وعلى مزاجى جداً

لكن بعد شوية يحصل التالى

العربية بتبطل فى الملفات او بإختصار شديد اوى لما ألف الدركسيون كله الاقى عداد rpm طلع سنة كدا وتروح العربية فاصلة

ملحوظة مش بتبطل الا لما بكون لافف الدركسيون وطبعاً قبلها بحس برجرجة

رد: استفسار عن رجرجة وفصل العربية
 

متقلقش كانت بتعمل معايا كدة بس اول ما ادور وفى الاشارات تترج وتلاقى كمان الشكمان ورا بيلعب صح الكلام
بس حلها بسيط جدا
اولا انا عايز نوع العربية ماشية اد اية موديلها اخر حاجة عملتها فى العربية من صيانة كانت اية
الحل بقى لاى عربية بتحصل فيها الرجة دى
فى بلف اسمة بلف الايديل دا لازم يتنظف لازم ولابد مهمة هو المسئول عن الابى ام
فى العربية فى السلانسية دا تنظفة او لو معاك غيرة احسن وغير البنزينة اللى بتحط منها لانة الرجة سببها التانى نوع البنزين لو مغشوش العربية هتترج جامد جدا بذات لو انجكشن اعمل الاول انك تغير البنزينة حط من موبيل وفول العربية وامشى وارجع بعد ما يخلص ربع الناتك فل تانى معلش وبعدها شوف لو لسة يبقى مليون المية بلف الايديل بس كدة كدة نظفة والمشكلة هتختفى خالص ان شاء الله متقلقش

رد: استفسار عن رجرجة وفصل العربية
 

العربية تيريوس موديل 99 , اوتوماتيك
آخر صيانة فى العربية مكانش ليها دعوة بالماكينة خالص وانا من يوم ما اشتريتها وهى على الحال

وعلى فكرة واحد صاحبى بيقولى ارفع البنزين شوية ( الماكينة واطية يعنى ) وقالى كمان ان مية فى المية العربية ناقصة زيت (ماكينة + فتيس )

ايه رأى حضرتك فى الكلام دا؟

ومشكور جداً على الافادة وان شاء الله من بكرة هطبق الى قولت لى عليه

بس ياترى البلف دا لو جديد سعره يبقى كام وشكراً

رد: استفسار عن رجرجة وفصل العربية
 

فعلا استاذ محمد عنده حق
هو بيبقي غالي فيفضل النضافة اولا
مفيش فايدة يبقي جرب واحد استيراد

رد: استفسار عن رجرجة وفصل العربية
 

بعد اذنك متلعبش فى الماكينة ولا الفتيس جرب الاول الكلام اللى قلتة واستاذ احمد بارك الله فية برضة مؤيد الكلام معايا وبعدها لو لسة زى ما هى قول واحنا مع الاعضاء نشوف حل تانى بس ابدا بالاسهل الاول والتنظيف مش هياخد 20 جنية والبنزين عليك بقى بس حط من موبيل لانى عليها رقابة ومعايير كل سنة يعنى احلى الوحشين ههههه بالتوفيق