ستاير كبس فى الاسكندريه ؟؟
يا رجاله عاوز حد بيفصل او بيبيع ستاير كبس فى اسكندريه تكون اسعاره معقوله بدل الاستغلال اللى بيعاملونا بيه التجار
الستاير 3 قطع ب 65 جنيه فى القاهره فى التوفيقيه وعندنا هنا اقل حاجه ب 120 جنيه ليييييييييه الاستغلال ده ده كده بضعف التمن ممكن اللانوس تلاقيها ارخص شويه لكن باقى العربيات بيطلبو فيها اسعار فلكيه بصراحه |
رد: ستاير كبس فى الاسكندريه ؟؟
انا جايب للوجان
من سعيد نصار ال 3 قطع ب100 جنيه وال 5 قطع ب150 جنيه انا جايب ال 4 ابواب وزجاج خلفي |
رد: ستاير كبس فى الاسكندريه ؟؟
انا جايب اوبترا من عند سعيد نصار 3 قطع 120 بلبلل حرامية حرامية :sycho26::sycho26:
|
رد: ستاير كبس فى الاسكندريه ؟؟
ههههههههههههههههه
منا جايب لواحد صحبي اوبترا برضه 5 ب150 ولو 3 ب 100 !! يبقي في لعب عالزبون :fun_Whispering: |
رد: ستاير كبس فى الاسكندريه ؟؟
طيب للكروز قطعتين بس بكام
|
رد: ستاير كبس فى الاسكندريه ؟؟
قطعتين ازاي؟
هو الطقم 3 قطع ياما بالطلب بقي مش عارف واعتقد كله سعره ثابت عند سعيد نصار لاني بعتله كذا واحد صحبي واخد بنفس السعر:THE_PR~18: |
رد: ستاير كبس فى الاسكندريه ؟؟
يا جماعه سعيد نصار بياخد من ورشه فى دخله العماره اللى جنبه الورشه دى بتفصل لاغلب بتوع عزبه سعد والاظاريطه وهما بياخدو منه 3قطع ب 60 و ممكن اقل او ازيد وبيبيعو للزبون ب 120 او 100 حسب الفصال بقى
انا روحت لصاحب الورشه ولقيته بيتنك اووووووى وقاللى ب 130 !!!! قولتله ازاى اذا كان اللى بياخد منك فلان وفلان وفلان (اسامى محلات اعرفهم ) وبيبعوها ب 120 وممكن اخدهم ب 100 كمان لقيته مش عاجبه الكلام وبيقوللى هى ب 130 ولو لقيتها اقل بره هاتها سيبته ومشيت مع العلم ان فيه واحد واخد 3 قطع بتوع فيرنا من عنده ب 60 جنيه وقولتله كده لقيته بينكر ويقوللى انا مش ببيع بالاسعار دى وهاتلى اللى انا بعتله كده وطبعا اللى قاللى ووصفلى الورشه ملوش اى مصلحه انه يكدب عليا لكن من طريقه الراجل ده فى الكلام واسلوبه عرفت انه منافق حسبى الله ونعم الوكيل فى النصب والفهلوه ده حتى مفكرش انه ممكن يخسر زبون ممكن يجيبله زباين تانيه كتييييييير يعنى انا لو كنت اخدتهم منه ب 60 او حتى 80 كنت جيت قولتلكم وقولت لكل صحابى وكان حيشتغل لكن الطمع اللى فى الصنايعى المصرى هو اللى بيوقف حاله وانا دورت ولقيت ورشه تانيه فى العصافره بحرى برضه مش عاوز ينزل عن 110 بعد كلام كتير مع انى حلفتله انى حجيبله اصحابى واصدقائى من المنتديات ياخدو منه وبرضه لقيته عامل ناصح وبيقطم فى الكلام وبرضه نفس الاسلوب بتاع اذا كان عاجبك والله العظيم بيتباعو فى القاهره ب 60 و 65 وواحد فى المنصوره من على النت قاللى ب 50 كمان الطقم 3 قطع وطبعا مطلع مكسبه كمان مش عارف هنا فى اسكندريه كل صايعى فاكر نفسه احمد زويل وبيخترع اللى محدش يعرفه حتى فى باقى المجالات |
الساعة الآن 07:15 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017