محتاج مساعدتكم فى ريو 2013
 

السلام عليكم ورحمة الله وبركاته
انا معايا ريو بقالها شهر كده عاملة 1600 كيلو وعندى كام ملاحظة عايز اسألكم عنها انا الصيانة بتاعتى هنا فى جدة بعد 5000 كيلو للاسف
الملاحظات كالتالى
1- لما بركن العربية وبجيبها على P وبرفع الهاند بريك بحس ان الهاند بتتزيق او فيها تعتيلة لما اجى اقوم او اقعد فى العربية كأنها لسه ما طبعتش ايه رأيكم؟
2- المايك فى الكاسيت جربته الصوت مش واصل للطرف التانى مع ان موبايلى نوكيا لكن بصراحة مش مذكور فى الكتيب بتاع الكاسيت ايه رأيكم؟
3- لمحت كذا عيب عبارة عن نقط فاضية من الدهان صغيرة جدا فى بوهية العربية على السقف وكمان فى الفريم الاسود بتاع الازاز الخلفى فايه ده بالضبط ؟
4- هل افضل استخدام الP فى الركن لاوقات طويلة مع رفع الهاند بريك ولا على N ?

فى انتظار ردوكم ياريت

رد: محتاج مساعدتكم فى ريو 2013
 

صباح الخير والسلام عليكم جميعا

70 مشاهدة ومافيش ولا رد؟ انا كنت فاكر فى ناس جامدة وخبرة فى المنتدى ده؟

رد: محتاج مساعدتكم فى ريو 2013
 

لما الناس ترجع من شغلها مش هتلاحق علي الردود ما تقلقش.
أنا هجاوبك علي رقم 4 حكاية انك هتركن مده لو العربيه هتبات تحت البيت مش مشكلة الهاند بريك و كمان P. لكن لو مده كبيرة أسبوع مثلا يبقي ما لوش لازمة ال P. الي فات ده كلام شوفته هنا في المنتدي لكن ما لوش أي أساس في دليل المالك بتاع العربية. أنا شايف أن أحسن حاجة لما توقف العربيه و أنت دايس علي بدال الفرامل شد فرامل اليد كده كل حمل العربيه علي الفرامل و بعد كده حط الفتيس علي P زيلدة في الأمان و نفس الوقت كده العربية مش محملة علي الفتيس.
موضوع الكاسيت أفهم أن الموبايل واصل بلو تووث من غير مشاكل و أنت سامع الجرس بتاع المكالمة و سامع صوت المتحدث لكن هو مش سامع صوتك؟ دور علي مكان ال مايك نفسه و حاول تقرب منه و أنت بتتكلم و شوف الصوت راح و الا لأ لأن فيه بلوتووث بيكون صوته ضعيف قوي و لازم تعلي صوتك ما كانش عليك و علي التوكيل. و يا ريت تجرب و العربية واقفة عشان ربنا يسترها.
الدهان اللي متخربش أظن من التخزين و النقل و أن كان المفروض سيادتك فحصت كل حاجة قبل ما تستلم. أنصحك تشوف مركز متخصص عشان يأكد أن ده مجرد خرابيش مش حاجة أكتر.

رد: محتاج مساعدتكم فى ريو 2013
 

اشكرك على ردم لكن الدهان مش متخربش انا قصدى فيه نقط دهان فاضية مافيش اللون الاحمر هى ماكنتش باينة وقت الاستلام بصراحة هى مش باينة اوى لكن بالنسبالى انا باينة طبعا لكن مش خربشة وبرضه باينة فى الفريم الاسود الخلفى بتاع الازاز

اعتقد فى موضوع المايك لازم اروح التوكيل لانى جربت وقربت من المايك صوتى مش واضح اوى لكن برضه مش مسموع للدرجة يعنى فيه كلام مش بيوصله لكن اسمعه كويس جدا فاعتقد دى مشكلة مايك

للاسف الصيانة هنا فى توكيل الجبر فى السعودية بعد 5000 كيلو مش الف كيلو زى عندنا

رد: محتاج مساعدتكم فى ريو 2013
 

للدرجة دى لا ردود خالص