مصر موتورز مجتمع السيارات

صفحة 1 من 4

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - هل اشترى الاكسل (https://www.masrmotors.com/vb/showthread.php?t=99514)

elandlos

07-10-2012 02:08 AM

هل اشترى الاكسل

السلام عليكم جميعا ورحمة الله وبركاته
طيب الله اوقاتكم جميعا بكل الخير والبركه والعافية
انا عندى عربيه اونو مو 97 بحالة كويسه جدا وبصراحة مزعلتنيش ابدا فى اى حاجه وبسكوته وناعمه ومفيش اى مشاكل عدا انى بسافر كتير لى على الاقل كل اسبوع سفريه 200 كيلو بالاسرة والحقائب لأنى ريفى ولابد من نزول البلد اسبوعيا وبصراحه حاسس ان الاونو مش هاتقدر تسد فى الموضوع ده ففكرت فى عربيه امامى اكسيل مو 97 بحاله كويسه عدا بعض الترميمات فهل ستفى بالغرض وتكون افضل من الاونو انا على فكره ركبت الاكسل الاونو انعم وايسر
بارك الله فيكم مطلوب بذل النصيحه حتى لااندم

sayed2077

07-10-2012 02:15 AM

رد: هل اشترى الاكسل

الاكسيل عربيه عملية جداااااا و قطع غيارها رخيصه جدا ومتوفرة ويمكن متوفرة اكتر وارخص من الاونو شوية

بس عيبها القاتل انها واطيه جداااااااا
لو هتجيبها اول حاجه تعملها تركب علايات

بس بصراحه عربيه رائعه تستحمل سفر ومشاوير زى ما انت عاوز
بدون ما تتعب وكمان قلة اعطالها ميزة كبيرة جداااااااا

وربنا يعينك ويوفقك

elandlos

07-10-2012 06:08 AM

رد: هل اشترى الاكسل

بارك الله فيك يااخ سيد وهل تركيب العلايات لايسبب تعويم العربيه وكمان ليه لما ركبت الاكسل وجدتها انشف من الاونو فى المشى فى طريق فيه مطبات هل هذا عيب طارىء فى الاكسيل ام عيب اساسى فى العفشه

mr_astra

07-10-2012 09:15 AM

رد: هل اشترى الاكسل

الاكسل مش واطية للارض
الطبيعى بتعها انها عالية
وعلى الاخ سيد انة يراجع سوست سيارتة
وموضوع علايات للاكسل دة صعب اوى ويمكن استاذ سيد مش هايحس بية لانة معاة الهاتش باك
انما لو السيدان تبقى مفزعة لو ركب لها علايات لانها اساسا فى الطوالى بتفضل تتنطط من الشنطة فما بالك بقى بعلايات
طب وموديل 97 دى حالتها اية ومطلوب فيها كام؟

wael_tahon

07-10-2012 11:10 PM

رد: هل اشترى الاكسل

أنا عندى عربية إكسل موديل 94 معايا بقالها 5 سنين أولا العربية عالية مش واطية ومبتحكش معايا فى أى مطبات ومش متركبلها علايات ثانيا العربية عملية جدا وقطع غيارها متوفرة وسعرها رخيص ثالثا انا بسافر بالعربية دى من القاهرة للغردقة حتة واحدة بدون توقف بدون أى مشاكل

عيبها أولا إنها فوق سرعة 100 ممكن تعوم منك وأنا عمرى متخطيت سرعة 120 بيها ثانيا الكربيراتير بتاعها لازم تتأكد إنه تمام عشان لو مش مظبوط هتسود أيامك وصعب تلاقى كاربيراتير إستيراد حالته كويسة

نهاية العربية ممتازة وعملية إكشف عليها وتوكل على الله

الساعة الآن 05:46 PM.

صفحة 1 من 4

عرض 7 مشاركات من هذا الموضوع لكل صفحة