|
تقييم بسات 99
اولا السلام عليكم انا اولمره اكتب هنا الحمد لله معايا بسات 99 شاريها من 4 سنين كانت ماشيه حوالي 90 الف كيلو ساعتها كانت حاله فوق الممتازة متور 1600 حصان 8 صباب 101 حصان http://upload.wikimedia.org/wikipedi..._VW_Passat.jpg اولا الشكل عربيه مستطيله الشكل جميله بسيطه في شكلها و كلاسيك قوي ثانيا الوسع من جوه و الشنطه واسعه جدا تاخد 5 مستريحين قوي و الكراسي مريحه جدا ثالثا الصاج مش هاقول اني دخلت في تاكسي لادا طبقت الاكصدام و عربيه النقل الدبابه دخل فيا من ورا ضيعتله و ش العربيه و الحمد لله العربيه ماحصلش فيها حاجه رابعا الاداء اول ما حد يسمع ان العربيه بسات 1600 اول كلمه تطلع منه الاداء ضعيف و مش بتجري بس انا بعد استعمال العربيه اكتشفت غير كده خالص متور العربيه عزمه كبير قوي ماعرفش كام الصراحه بس العربيه التسارع بتعها مش وحش معقول مش البطه الي في دماغكم يعني بس معقوله السرعه القصوى لحد الوقتي 210 بنزين 90 و جريت بيها مع بي ام 316 بس مع اليباني بتجري بعد ال120 قبل كده اوعى تشد بيها مع يباني هاتكسفك الاستحمال العربيه حموله جدا و العفشه قويه جدا مش المطبات و الخبط طلعت بيها فوق طوبه رصيف و العربيه ماحصلش فيها حاجه الحمد لله و العربيه حموله جدا حمل شقا بجد بنسافر بيها 6 و سعات اكتر بالشنط و عادي جدا كان مافيش حد راكب العربيه مع العلم اني مش بحافظ على الصيانه مهمل جدا فيها البنزين موفره جدا الصفيحه ممكن تخش في 280 كيلو على الطريق مع سرعه 130 كيلو في الساعه و لو سرعه 90 ممكن تخش في 300 كيلو و دي بالامانه الحاله بعد خمس سنين اول يد و اربعه تاني يد طبعا اول يد توكيل و حرركات كانها زيرو بالامانه تاني يد اهمال و استعمال شاق و ماشيه الوقتي 170 الف كيلو المتور لسه بيعرق ميه الصبح كفائه 90 في الميه العفشه عاوزه 2 مساعد خلفي و 2 مقص تحت يمين و 2 بيض دركسيون عيوبها كبيره جدا مش من السهل ركنتها في شوارع المحروسه تقيله بغباء مشيها جوة البلد ممكن تشل قطع الغيار مش متوفره بسهوله عند ناس معينه اسعار قطع الغيار في اللزيز 400 جندي فرامل الماني 200 جندي لو اسباني 1500 طقم اسطوانه و ديسك و بليه 350 جندي قواعد فتيس 1300 جنيه طقم سيور بالشدادات و البلي 2 مساعد خلفي 850 مايلي لو هانتكلم بقى في المرايات و الفوانيس فحدث و لا حرج فوانيس 750 جندي تايواني الطاسات 200 جندي استيراد و ممكن اكتر كمان العلامات 600 جندي و عيش حياتك المقصات ب 4000 جندي و ياسيدي 450 جندي بيض دركسيون عدد 2 بس ده لحد الوقتي و الي يعوز يعرف اكتر انا تحت امره في اي وقت |
رد: تقييم بسات 99
أهلآ بيك يا دكتور ،،
تقييم جميل لعربية جميلة ،، احب اضيف لمميزاتك ،، أن الألماني و فولكس عامة ،، مبيقدمشي بسرعة ،، مش زي الأسيوي كل خمس سنين ،، هوب تلاقي الشكل اتغير جذريا لأ حتي الباسات القديمة من الجديدة تحس انها نفس العربية بس مع شوية رتوش و ده شئ جميل بتحس فعلآ انها عربيات العمر اللي مبتفقدشي رونقها بسرعة بس عيبها اللي سمعته من ناس اصحابي من هواة فولكس ان صيانتها لازم بالساعة و علي الكاتلوج يأما تعمل مصيبة دقة المان بقه و دي حاجة معروفة من زمان من ايام البيتلز مش اي ميكانيكي يشتغل في فولكس انا بشوف في عين شمس ورشة واحد بتقف عنده جميع انواع عربيات مجموعة فولكس المهم ناس تقولك عليه ده حمار و نصاب رسمي و ناس تقولك عليه ده هوا ده دكتور الفولكس مش عارف انصحك بيه و لا لأ |
رد: تقييم بسات 99
الفولكس الألماني (أي عربية) بتبقي روعه، بشكل شخصي أنا مقتنع إن العربيات اللي بتتصنع في أوروبا مستوي مختلف عن نفس الماركات لو حتتصنع في أي بلد تانى
المشكلة العامة إن الألماني لو لعب فيه بلية ووفقله حاجات عشان يوفر في قطع الغيار تصبح لعنة علي اللي راكبها العربية مصممة بدقة شديدة جدا ، كل حاجة ليها لازمة (مش لازم نكون عارفين) ، قطعة الغيار الألماني بتعيش بعمر العربيات الكوري و مش خسارة فيها الفلوس عداد الكم غير مؤثر بالمرة في شراء العربية ، المهم الحالة الفعلية و استخدام قطع الغيار الأصلية ربنا يباركلك فيها و يكفيك شرها و يرزق فولكس بوكيل محترم (مش مصري) |
رد: تقييم بسات 99
يا شباب ربنا يخليكوا متشكر على الردود الحلوة
بس بالامانه انا مهمل في الصيانه جدا و بتعامل مع ميكانيكي في جسر السويس اسمه محمد سمير امين و محترم و دكتور فعلا في الفولكس زي التوكيل بالظبط |
رد: تقييم بسات 99
من حق نسيت اقول
فتيس استيراد ب 2000 جنيه غيرته غباوه زيت نقص و مشيت عليها ههههههههه مقصات استيراد 2000 جنيه للاربعه مساعدي استيراد خلفي 250 للاتنين ده الي افتكرته و الي يعوز حاجه لبسات يقولي انا تحت امره |
| الساعة الآن 05:15 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017