صيانة سينا "ارجو الافادة "
انا معاي عربية سينا موديل 2004
و ماشية 55,000 و عمرها ما راحت الصيانة و الحمد لله ماشية زي الفل و مش بتشتكي من حاجة 1-ايه موضوع العفشة ؟ 2-معدل استهلاك البنزين مش طبيعي ؟ |
رد: صيانة سينا "ارجو الافادة "
الصيانة الرئيسية اللى لازم تعملها :
تغيير سير الكاتينة كل 40 الف-60 الف بحسب كتالوج السيارة. تغيير سير الدينامو و الباور و التكييف و الكشف عليهم. تغيير البوجيهات. تغيير الفلاتر (فلتر هواء, فلتر بنزين). بالاضافة طبعا الى تغيير الزيت فى مواعيده و تغيير فلتر الزيت كل تغييرين للزيت. العفشة فقط عليك تربيط العفشة كل 10 الاف. العفشة لسه بدرى عليها, و أى عطل فى العفشة بيبان فى اوله(صوت, تعويم) و ممكن التعامل معه من البداية. و بما أنه لا مشكلة فى الصوت أو التعويم فلا يوجد مشاكل فى العفشة. استهلاك الوقود ليس له مقياس ثابت, و يعتمد على طريقة قيادتك, و طالما فى حدود المعقول لا خوف منه. |
رد: صيانة سينا "ارجو الافادة "
حضرتك فعلا فلتر الهواء منتهييييييي ناشف و بيفرول
و بالنسبة للبوجيهات بتتغير كل اد ايه و الزيت الحمد لله بيتغير كل 5000 الخايف علية حاليا العفشة اربطها فين |
رد: صيانة سينا "ارجو الافادة "
سارع بتغيير فلتر الهواء لأنه بيخنق العربية و بيقلل عمر المحرك فى حالة عدم تغييره.
فى معظم السيارات يتم تغييره عند 10 الاف كم. البوجيهات بحسب ما هو موجود فى الكتالوج, بس ممكن تقعدها شوية و تغيرها لما تبوظ. العفشة ممكن تربطها فى التوكيل, أو فى اى محطة بنزين فيها مكنة لرفع السيارة. |
رد: صيانة سينا "ارجو الافادة "
من فضلك . انا معروض عليا سيارة فيات سيينا 2008
ودى مواصفات السيارة مانوال / لونها رصاصى فبريكة بالكامل ولم ترش نظافه ماعدا الكبوت لانها رشت كبوت العداد عامل 53,000 كيلو . 53 الف كيلو حالة الصالون جيدة تماما وكأن السيارة لم تركب مطلوب فى السيارة 41 الف جنيه انا اريد من حضرتك الرد على بعض أسئلتى 1- هل هذا السعر مناسب لهذه السيارة ام لا ؟ 2- هل هذه السيارة قطع غيارها متوفرة فى السوق المصرى أم لا ؟ واذا كانت متوفرة . هل هى غالية ام رخيصة ؟؟ 3- وهل تقفيلها صينى ام لا ؟؟ بس ياريت الرد من حضرتك يكون سريع ده ايميلى ممكن حضرتك تبعتلى الرد عليه ana.tito566@yahoo.com وشكرا جزيلا على مجهودكم الرائع |
الساعة الآن 03:54 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017