إستفسار عن إلنترا ٢٠٠٥
اخوكم بيشتري النترا 2005 جولد
و فيها شويه حاجات احب اعرفها من اهل الخبره اولا العربية نفسها: في قدام الفتيس 4 مفاتيح اول و اخر واحد بتوع سخانات الكراسي انما اللي ف النص واحد فيه فتحتين و رسمه موبايل و سماعات و دي مش عارف بيتوصل بالتليفون منها ازاي و الثانيه عليه كلمه Hold و برده مش عارف بيعمل ايه بالظبط؟ التابلوه بتاع العربية عليه دايره كده فوق الساعه علي التابلوه من فوق مكتوب عليها GPS مش عارف استخدامها ايه دي؟ شمال العدادات في 3 زراير زرار ال Trip و ده معروف و زرار سخان الازاز الخلفي ف الشبوره و الثالث مكتوب عليه TCS و ده اللي عايز اعرف بيشتغل ازاي او امتي ادوس عليه؟ المراية بتاعه العربية فيها زرار باور و جنبه لمبتين اخضر فيهم نور اللي فهمته انها بتشغل عليها كاميرا خلفيه لو في و سمعت انها فيها بلوتوث هل الكلام ده صحيح او حد يفهمني الصح يا جماعة؟ ثانياً بقي حاجات عامة و نصايح ارجو تفيدوني بيها: اول ماشتري اغير ايه ف العربية من سيور و زيوت و اي حاجة توضحوهالي؟ و في حاجة اجيبها مساعدة زي اللي بتتحط مع البنزين او مع الزيت محسن اداء او حاجة زي كدة؟ اخد بالي من ايه ف العربية و اهتم بايه و ابعد عن ايه؟ انا اسف للاطالة بس ارجو تساعدوا اخوكم علشان مقعش ف غلطات معنديش علم بيها Joeky's Tapatalk [emoji2] |
الساعة الآن 11:19 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017