رجاء سرعه الافاده فى حادث لوجان
 

بسم الله الرحمن الرحيم

اليوم نزلت وروحت للعربيه لقيتها اتخبطت و الى خبطها عيل صغير كان سايق عربيه 128 واول ما لقى الناس اتلمت خد العربيه وجرى وما كان من اهل الشارع الا ان قاموا برشق السياره بالطوب وفعلا زجاج عربيته الى ورا اتكسرو لقيت عربيتى الرفرف الشمال اتفرم وحته صغيره من الفانوس الامامى اتكسرت والاكصدام معوج
واعدت اسال على العربيه لحد ما عرفت ان العربيه صاحبها من اخر شرعنا والى سايقها ده كان ابنه الصغير وكان معهوش رخصه واتكلمت مع الراجل اعد يطول فى الكلام وخنقنى انا ووالدى وفى الاخر قالى اصلحهالك بس عند واحد معرفتى وملكش دعوه قولت له لا انا عايز اصلحها فى التوكيل قالى توكيل لا قولت له متخفش انا عندى استعداد ادفع معاك جزى من التكاليف قالى مليش دعوه لو موافق انى اجيب لك السمكرى من عندى ماشى
وانا مش عارف اعمل ايه وانا طبعا مش عايز اصلحها عند اى حد ده غير ان الخبطه من ناحيه الرفرف الشمال وده وراه علبه تقريبا دى علبه الكمبيوتر الرفرف ضاغط عليها بعد ما اطبق فانا دلوقتى اعمل ايه وهل لو صلحت العربيه بره التوكيل هطلع من الضمان ولو العلبه دى اتفكت واتركبت تانى هيحصل ايه ولا لازم يتكشف عليها وطبعا انا مش مقتنع بان واحد معرفهوش خالص يصلحلى العربيه وتقريبا هو بيقولى كده علشان اقوله لا فيقولى خلاص مليش دعوه اعمل ايه رجاء افيدونى واسف على الاطاله
وانا صورت العربيه بس مش عارف ارفع الصور

رد: رجاء سرعه الافاده فى حادث لوجان
 

روح معاة عند الراجل اللي حيصلح عندوا و خد الفلوس و اعملها في التوكيل بس متقولهوش كدا غير لما تعرف سعر التصليح كاااااام و ربنا يعوض عليك

رد: رجاء سرعه الافاده فى حادث لوجان
 

طبعا الحمد لله وقدر الله وماشاء فعل بس حضرتك هو قالى بالحرف الراجل الى هيصلح العربيه ويعمل السمكره و هيعملك المعجون والدوكو وملكش دعوه بالحساب دى حاجه بينى وبينه ولسه بعد صلاه الجمعه هنقبله انا ووالدى وربنا يسهل بس بردو فى حاجه مهمه الرفرف بالشكل الى هو عليه ده معتقدش انه هينفع يتعدل وكمان ايه اخبار الضمان بالنسبه لحل العلبه الى جنب الرفرف داخل الكبوت الراجل بيقول تتحل وتبقى تركب تانى

رد: رجاء سرعه الافاده فى حادث لوجان
 

راى انك بالعقل تاخد منة التكاليف وهى 100 سمكرة دا كدة كرمك وممكن اكثر طبعا و120 دوكو وبرضة دا اقل شئ يبقى 220 جنية والفانوس بقى لو هتاخد حقة انما ربنا يعوضك عليك فى الفانوس ومن راى انك لو عايز الحاجة مظبوط اوى والفك والتركيب صح الصح يبقى التوكيل لو عايز تتصلح وخلاص يبقى اللى برة وللعلم سواء هنا او هنا الكلام دا على الاكصدام بس الباقى عادى الاكصدام بعد كدة اى خبطة او حتى سندة ايد المعجون هيطق وهيطلع من مكانة وعن تجربة 3 مرات والله بص اسلم حل للكصدام اعدلة بالسخن ششوار يعنى عن الفيبر وسيبة لانى والله كل شوية المعجون هيطلع الا لو اخدت بالك اوى وللعلم الباقى هيرجع عادى جدا زى ما كان متقلقش الاكصدام بس ياريت تعدلة براحة وسيبة ولو حالة وحش اوى يبقى رشة بقى والامر لله بس التوكيل لانة بيحط معجون فيبر بيقعد كتير ويعيش وانا مجربة والله وربنا معاك وبسيطة وكلنا معرضين والله والحمد لله على كل شئ اوعى تندم وانما قدر الله وما شاء فعل

رد: رجاء سرعه الافاده فى حادث لوجان
 

اعمل محضر فى الاقسم وخد معاك شهود عن الواقعة والقضية هتحول للنيابة علشان الواد دون السن القانونى للقيادة وخيرة بين اتنين اما القضية او يصلحهالك فى التوكيل