رد: مركز خدمه استفسار دهانات السيارات
 

رد: مركز خدمه استفسار دهانات السيارات
 

شكرا على الفيديو
الدهانات الكروم نادره فى مصر بس فى ورش مخصوصه بتعمل الشغل ده بأميتياز بس مكلف جدا يعنى الباب
يكلفك اكتر من 700 ج

رد: مركز خدمه استفسار دهانات السيارات
 

حضرتك كنت سمعت عن مسميات فى الدهان فكنت عاوز اعرف ايه الفرق بينها وميزة كل طريقة و عيوبها
سمعت ان فى طريق لرش الدوكو اسمها مبنط وطريقة اسمهاالدوكو سايح
واللي فهمته ان طريقة ان الدوكو يبقي سايح انها تبقي عامله زي المراية تماماً
عاوز اعرف ايه الفرق بين الطريقتين دول و مزايا وعيوب كل واحده ولو فيه طرق تانيه احنا مش عارفنها

رد: مركز خدمه استفسار دهانات السيارات
 

عزيزى عمليه طلاء السياره تستخدم حسب اللون اوطبيعه الدهان يعنى طريقه طلاء اللميتالك غير طلاء الألوان الساده ابيض احمر ... احسن طريقه لطلاء الدهان الساده هو المبنط بس مبنط خفيف زى الفبريكه وده لأسباب بيحافظ على عمر الطلاء ثانيا بيدى طبقه سميكه حتى بعد سنين تلمع السياره تحس ان البنط بتزول خفيف ولو رتم الطلاء السايح للون الساده بتبقى جميله بس مالهاش عمر اما بالنسبه للميتالك او المط لازم يكون سايح علشان فى طبقه ورنيش بتحمى من كل ذلك ... معلومه اخرى ان فى الوان ساده لسيارات فبريكه تكون سايحه دى علشان مطليه بنظام المط والورنيش وتأكد انها لو طلاء ساده مباشر ستجد البنط بس خفيفه...شكرا ارجو ان اكون افادتك

رد: مركز خدمه استفسار دهانات السيارات
 

اشكر حضرتك علي الإفاده
واستكمالاً للسؤال
هل افضل طريقة لرش اللون الفضي (رصاصي ) الميتاليك هي ان الدوكو يكون سايح
وعربيتي فيات 131 وحاله الصاج الحمد لله كويس
هل توجد طريقة لما ارش العربية جديد تخلي الدوكو زي بتاعها الاصلي بمعني الدوكو يبقى ماسك فى الصاج ومش يطق ومش مع الخبطات يشقق وينطر لبره ( طبعا هخلي بالي من موضوع المعجون وهحاول اخلي اللى شغال لو يديها معجون يبقي بسيط )