دخان بيطلع من العربية ارجو المساعدة ضرورى
فى دخان بيطلع عندى من عند الغيارات ايه سببها وايه سبب طفى العربية منى كل شوية وانا سايقه ده عيب فى البطارية ولا ايه وازاى اقدر اتجنب الطفى بتاعها علشان بتعملها وانا ماشيه وسط العربيات وبسمع كلام كتير ارجو الرد السريع |
رد: ارجو المساعدة ضرورى
اولا الدخان ده من الشكمان يعنى لازم واحد بتاع شكمان يبص عليه وبعد كدا السروجى يحط لباد علشان مفيش هوا تانى يدخل من عند الغيارات
ثانيا العربيه بعد ما تطفى بتشغليها ازاى زق ولا بالمفتاح |
رد: ارجو المساعدة ضرورى
لا بشغلها بالمفتاح والميكانيكى قال ان العيب من الديسك والصينية وغيرهم بس كنت عاوزة اعرف يتكلفوا كام
|
رد: دخان بيطلع من العربية ارجو المساعدة ضرورى
ديسك و صنية ؟ !
و لا تقصدى ديسك و اسطوانة ؟ يبقى لو ديسك و اسطوانة يبقى بتبطل فى الطلعة تقصدى مش و هى ماشية ؟ و اسعارهم فى ال 131 معرفش بس مثلا متوسط 300 ل 500 و المصنعية 150 ل 200 و الله اعلم |
رد: دخان بيطلع من العربية ارجو المساعدة ضرورى
لو ربطنا المشكلتين ببعض وبحكم ان العربية 131 اعتقد الدخان اللى بيطلع من فتحة الفتيس هو دخان فايظ الموتور لان تملى الميكانيكية بيرمى الخرطوم لتحت الموتور ومع مشى العربية الدخان بيطلع من اقرب فتحة اللى هى فتحة عصايا الفتيس
وبكدة يبقى البوجيهات بتغرق زيت فبتبطل العربية دة احتمال انما لو حكيتلنا اكتر العربية بتطفى ازاى يعنى مثلا وانتى بتعدى مطب او لو دوستى فرامل هانحدد اكتر العيب منين وكمان احكلنا عن حالة العربية |
الساعة الآن 07:43 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017