|
دايهاتسو تريوس ولا كيا سيراتو ؟
السلام عليكم
كنت عايزة اعرف رأيكم في دايهاتسو تريوس مستعملة ايه الحاجات اللى تخليني اعرف انها مش متبهدلة ومش هرمي الفلوس في الارض يعني متكونش اقدم من 2007 مثلا؟؟؟ و لو معدية 100 كيلو عادي ولا هاتعطل كتير مع العلم اني عايزاها اوتوماتيك... وايه رأيكم في تيريوس الصيني وقطع غيارها متوفرة ولا ايه نظامها؟ ودايهاتسو تريوس ولا كيا سيراتو من حيث الفخامة و تكون شكلها بناتي و شيك و ازاى اعرف انها مش هاتعطل كل شوية وتحتاج تصليح ارجوكم عايزة نصيحتكم وشكرا |
رد: دايهاتسو تريوس ولا كيا سيراتو ؟
أى عربيه طالما بيتعمل لها الصيانه اللازمه فى أوقاتها ما فيهاش مشكلة وماتخافيش منها السيارة التيريوس اليابانى سيارة محترمة وقطع غيارها متوفرة ولو شايفة واحدة قدامك خديها لمركز الخدمه بتاعها يكشفوا عليها ويعملوا تقرير عنها وبعدها تقدرى تقررى تشتريها ولا لأ بناء على التقرير بالنسبة للسيارة ZOTYوهى تقليد صينى للسيارة التيريوس فبلاش منها وما تفكريش فيها بالنسبة للمقارنه بين التيريوس والسيراتو فالسيراتو شكلها حلو وبناتى بس ضعيفة أما التيريوس فهى سيارة مرتفعة عن الأرض وقوية لكنها ليست فى شياكة السيراتو |
رد: دايهاتسو تريوس ولا كيا سيراتو ؟
شكرا على رد حضرتك و اهتمامك
ومعلش كنت عايزة اسأل على حاجة هو ممكن لو العربية مانوال أخليها أوتوماتيك (دايهاتسو تريوس أو كيا سيراتو) وموضوع العداد دة مش هايبقى فارق لو معدي 100 والعربية حالتها كويسة زي ما حضرتك بتقول؟ |
رد: دايهاتسو تريوس ولا كيا سيراتو ؟
هو فى الاتوماتيك بالذات يفضل مسافة اقل من 100
و حكاية قلبها اتوماتيك حتكلفك اكتر من لو اشتريتيها اتوماتيك فبلاش دا غير المجهود و الوقت و النتيجة مش مضمونة و انا مع الاستاذ نبيل فى حكاية ان العربية يتكشف عليها كل حاجة فى التوكيل قبل الشراء |
رد: دايهاتسو تريوس ولا كيا سيراتو ؟
متشكرة اوووى بجد :)
|
| الساعة الآن 01:18 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017