مصر موتورز مجتمع السيارات - الكورسا اتخنقت يا رجاله

مصر موتورز مجتمع السيارات (https://www.masrmotors.com/vb/index.php)

- اوبل Opel (https://www.masrmotors.com/vb/forumdisplay.php?f=21)

- - الكورسا اتخنقت يا رجاله (https://www.masrmotors.com/vb/showthread.php?t=33895)

الكورسا اتخنقت يا رجاله

سلامو عليكم كل سنه وانتم طيبين الاول[IMG]http://www.**********.net/Nile/images/smilies/DancingBananas/wink.gif[/IMG]
انا معايا كورسا 2005 سيدان لسه جايبها[IMG]http://www.**********.net/Nile/images/smilies/hlopaet_prv.gif[/IMG]
المهم العربيه كويسه الحمد لله بس جيت ذودت ميه فى الاربه وانا عارف ان ليها مستوى قعدت اور عليه ملقتهووش والحاج كان واقف معايا فانا بزود وبتاع الحاج قعد يقولى املى املى انت شارى الميه يا عم ولا ايه املى خلانى سيحت الاربه خالص [IMG]http://www.**********.net/Nile/images/smilies/stink%5B1%5D.gif[/IMG]
بعدها بسوق لقيت العربيه مخنوقه عن الاول كتير والسحب قل حاجه بسيطه وبرده انا بطاريتى كانت باظت وكانت اسى ديلكو 55 امبير فجبت نوع كورى الكهربائيه قالولى انه احسن من السعودى اللى هو اسى ديلكو قالولى بس خليها 70 امبير احسن قولتلهم مش هياثر ع الدينامو قالولى لا مالهاش اى تاثير بس هتفرق معاك لما تكون امبير اعلى هتبقى احسن مكدبتش خبر وجبتها وركبتها [IMG]http://www.**********.net/Nile/images/smilies/DancingBananas/wink.gif[/IMG]
بس موضوع خنقه العربيه ده مضايقنى فهل ده من الميه الذياده ولو منها املى الاربه لحد فين انا سمعت ناس هنا بتقول لحد نصها بس ولو منها انقص منها الميه ولا ايه رايكو [IMG]http://www.**********.net/Nile/images/smilies/36_1_58%5B1%5D.gif[/IMG]
واخيرا مش عارف اشكركم ازاى وربنا يجازيكم خير على المساعده اللى انتو بتقدموها لاى عضو [IMG]http://www.**********.net/Nile/images/smilies/satelite.gif[/IMG]

رد: الكورسا اتخنقت يا رجاله

الف مبروك العربيه الجديده و ربنا يديك خيرها و يحميك من شرها
بالنسبه للميه لها اكيد علامه علي القربه و لازم تاخد بالك منها و تقلل الميه لكن و العربيه بارده.
بالنسبه للبطاريه يستحسن شراء الموصي بها في الكتالوج
لان دينامو العربيه مصمم لشحن بطاريه بحجم معين و ليس بحجم اكبر
و بلاش تسمع كلام الصنايعيه في الموضوع دا بالذات

رد: الكورسا اتخنقت يا رجاله

22703754>>>>
26701681>>>>
22567633>>>>
mobieL,,012 2177881
ABAS EL AKAD MADENAT NASR AND MASR ELGEDEDA DEMASHEQ STREET HAMDY EL GONEMY ABOU EL SAOUD FOR NEW OPEL SPARE PARTS!!!

رد: الكورسا اتخنقت يا رجاله

كل سنه و انت طيب و مابرووك عليك العربيه
انا ﻷوبل لكورسا السيدان ده جبانى اوى ونفسى اشتريها
فياريت تقولنا رأيك فيها بع ما اشترتها بكل صراحه
واهم المميزات و العيوب
وهل فعلا قطع غيارها مش موجدوده وغاليه ولا ايه ؟
وجزاك الله كل خير
وربنا يكمك بعربيتك و يديك خرها و يكفيك شرها

رد: الكورسا اتخنقت يا رجاله

شكرا يا جماعه على سرعه الرد
يعنى انتو رايكو اروح ارجع دى واجيب 55 امبير ولا ايه
وبالنسبه للعربيه يا noobuzz عايز اقولك ان العربيه بسم الله ماشاء الله عليها مالهاش حل
المميزات \ سحب خرافى - عفشه ممتازه هيا ناشفه شويه بس بتستحمل الطرق المصريه وعمرها اطول - عايز اقولك ان العربيه دى مليانه اوبشنز هتعجبك اووى فراملها كويسه - شكلها انسيابى تمشى شبابى وتمشى عائليه
العيوب \ الثبات بيقل بعد 120 -140 - قطع الغيار غاليه نسبيا بس قصاد كده بتبقى اصليه وبتغيرها وتنساها - سوقها تقيل شويع فى البيع عشان النقطتين اللى فاتو دول
نصيحتى ليك لو لقيت منها حاله كويسه وباكد عليك حاله تكون كوويسه هاتها وانت مغمض العربيه ماشاء الله جميله