رد: الى جميع مالكى سوباروووووووووووو فى مصر
 

الاخوة الاعزاء
تحياتى لكم جميعا و اشكركم جدا على كل ما قيل فى حقى و جزانا و اياكم ان شاء الله
بداية عفوا على التاخير فى الرد لظروف الشغل و اااا الخ. اخى ادكتور المناهرى انا اصلا من المنيا و ليا سكن هناك بس حاليا مش بروح كتير يعنى و اى خدمة يا سعادة الباشا و ممكن حضرتك تجيب عربية سوبارو مستعملة بسعر كويس جدا بس نصيحة تخللى بالك جدا لان العربية دى لما بيشتغل فيها اى حد برة من الميكانيكية العاديين مش بيبقى فاهمها فبيبهدلها جدا و بتبقى كنبة مش عربية و لو حضرتك عاوز اى مساعدة انا فى الخدمة و الله الموفق
الاستاذ اكرم حسن العربية الى موديل 98 الى معاك دى مش جر رباعى السوبارو الى نزل منها سنة 97 و 98 كانت جر امامى قليل جدا الى نزل منها جر رباعى و ممكن تكتشف ده بسهولة لما تنزل تحت العربية من ورا من ناحية الشنطة لو شفت كارونة يبقى العربية دى جر رباعى و بامناسبة هوة بيسمى AWD(ALL wheal Drive)that mean ان الدفع بالاربع عجلات فى نفس الوقت بس ده بياخد من عزم الموتور على فكرة يعنى العربية الى AWD تلاقى الشد و السحب بتاعها اقل من الدفع الامامى بتبقى طيارة و الزرزار الى حضرتك بتتكلم عليه ده يخص الفتيس الاتوماتيك مش اكتر
اما بالنسبة للجانبين الى اتعوجو انصحك تروح لعايد فى الحرفيين و انا كاتب هنا رقم الموبيل بتاعه و هوة هيظبط معاك الدونيا ماتقلقش من موضوع قطع الغيار عايد موجود و برضه فيه ناس تانى بدات تشتغل فى السوبارو
مشاكل السوبارو فى مصر متأصلة من قديم الازل و ياما عربيات محترمة جدا و ليها سوق فى كل الدنيا الا مصر زى الفولو و الساب و الامريكانى بجميع انواعه وده ممكن يرجع لطبيعة الشخصية المصرية الى خدت على الفيات 128 ( مع كامل احترامى و تقديرى لها) بس المواطن المصرى عاوز عربية رخيصة وقطع غيارها رخصية و لما يجى يبيعها تتباع بسرعة و يكسب كمان فيها كل العوامل دى لا تتوافر فى السوبارو اساسا و لكن هوة مش بجيب سيرة امان و قوة على الطريق تستحمل ظروف التشغيل الصعبة فى الحر و لمدة طويلة و انت مشغل التكيف فعلى ذلك ريحو دماغكو
و ربنا يوفقنا جميعا و اى حد عاوز حاجة لا يترد و اخوكو فى الخدمة
و ربنا يجعله عامر

رد: الى جميع مالكى سوباروووووووووووو فى مصر
 

\

بااااااااارك الله فيك يا دكتور احمد لا تحرمنا من معلوماتك القيمه فعلا

عايد ان اعرف ورشته و باين عليه كويس و بيفهم فى العربيه هروح له و رينا يسهل

يا ريت اى احد عنده اى عربيه سوبارو يحكيلنا عنها و بارك الله فيكم

رد: الى جميع مالكى سوباروووووووووووو فى مصر
 

شكرا جدا على المعلومات القيمه دى - انا باحترم العربيه دى جدا جدا وباتمنى اركبها بس خايف من الصيانه وقطع الغيار - وخصوصا انها غاليه - اسلوبك جميل جدا فى السرد - ويا ريت ما تبخلش باى معلومه وتواصل

رد: الى جميع مالكى سوباروووووووووووو فى مصر
 

انها حقاً سياره محترمه


يا سيدى الفاضل فعلاً التوكيل فى بعض الاحيان بيشترى قطع غيار مستعمله وارد الخارج و لكن بيبيعها للعميل كمستعمله مش كجديده لو مفيش منها جديد فى التوكيل علشان ميوقفش عربيه العميل و الموقف ده حصل مع احد المعارف و انا كده ريحت ضميرى علشان دى امانه
شكراً

رد: الى جميع مالكى سوباروووووووووووو فى مصر
 

انا شاابف يا جماعه ان مشكله قطع الغيار دى ممكن تتحل انك تشوف اى صديق اى قريب لك فى السعوديه فى اى دوله خليجيه يجبلك قطع الغيار من هناك هتكون ارخص و جزاااكم الله خير