ندالة أهلها !!!!
ميت ألف فرصة عشان أسيب مصر ولا عمري سبتها علشان هى بلادي اللي بجد بحبها بحبها بكدبها وصدقها بحب فيها أصالة وندالة أهلها بحب فيها السهر بحب زيفها وأصلها بحب فيها طلعة الشمس تنور وشها بحب فيها القمر طالع يغازل حسنها بحب فيها المشي علي شط نيلها وبحرها بحب فيها بناتها راسمين ملامح شعبها دي بنت مايصه وحاطه ورده فـ شعرها ودي بنت جد ونازلة جري لشغلها هتلاقي فين بلد فيها الكنايس والجوامع بتحضن بعضها http://www.annaqedcafe.com/images/smilies/cool.gif مسلم مسيحي إخوات راضعين طيبة من صدرها http://www.annaqedcafe.com/images/smilies/eek.gif نبع الحنان ويناموا حاضنين أرضها هتلاقي فين تاني بلد كل حاجه فيها تخليك تحبها هتقولي ظالمه هقولك برضو بحبها هتقولي ضالمة مهو ده سواد شعرها هتقولي زحمة هقولك علشان بنعشق أرضها هتقولي فيها فساد هقولك ده من طيبة شعبها جرب كده تسهر ولو وحدك علي ضف نيلها وحبها جرب تشوف بنت حلوة مع شاب واقف جمبها بيحبها شايل في قلبه هموم الدنيا كلها وبرضو بيحبها جرب كده تاكل درة وترمس علي شطها وتشوف وشوش الناس واضحك زيها طب وانت ماشي لوحدك ووقعت في مشكلة مش بتلاقي ألف واحد جمبك بيحلها لا تعرفهم ولا يعرفوك بس جمعكم حبها أهي هي دي مصر زاحمه ظالمة فاسده ضالمه مش مهم ده كفايه خفت دمها هافضل لمصر أقول وأعيد أنا أصلي عاشق أرضها وطبعا ده كله كلام في الهوا أنا لو تجيني نص فرصة هقول لها بالسلامة يا مصر ومش عايز أشوف وشها وهي دي بقى ندالة أهلها |
رد: ندالة أهلها !!!!
اقتباس:
ليه كده يا سمسم !!!!!!!ptmnlo123per144 |
رد: ندالة أهلها !!!!
ياباشا الكلام ده لا يعبر عن وجهة نظري تماما أنا بس الزجل ده عجبني لا أكثر ولا أقل وأنا عن نفسي بموووووووووووت في تراب مصر
|
رد: ندالة أهلها !!!!
ده تأليفك يا سمسم
الكلام كله وجعني ، مش قادر أنكره و مصدوم لأن الحقبقة مرة قوي المعني هو المعني بس الحقيقة كلماتك بتوجع قوي |
رد: ندالة أهلها !!!!
هو الاسلوب جميل ...
بس انا مش فاهم الهدف منه.... نقد ... و لا .... حاجه تانيه !!!! انا مصر مطلعه عيني ... وقارفاني في عيشتي ... والزحمه و الدوشه و كل حاجه ... بس عمري ما قلت على اهلها نداله !!!!! يعني احنا شعب ندل !!!! مين اللي كتب الزجل ده ؟؟ |
الساعة الآن 02:48 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017