|
128 ولا 127 ؟ أفضل و أرخص ؟
السلام عليكم
أولا أحب أحيي أعضاء و مشرفين المنتدى عشان بجد المنتدى ده أكثر من رائع و قابلت ناس هنا فى غاية الأحترام أنا أن شاء الله قررت أشترى فيات بس محتار ما بين 128 و 127 أولا عاوز أعرف أسعارهم عاملة كام لو مثلا موديل من 82 ل 86 و طبعا عاوزها فابريكة برة و جوة و لو رشة نظافة صغيرة من بره مفيش مشكلة شكر وتقدير و عاوز أعرف أسعار جميع قطع الغيار بتاعت الأتنين أنا كنت ناوى أسأل الشيخ طارق بس بقاله كتير مبيدخلش المنتدى يا رب يكون بخير دى أول عربية ليا و مش عاوز أعمل أشتراك عند الميكانيكى فلو حد يعرف حد عاوز يبيع و يكون واثق فيه يبقى الله يباركله يقولى و أنا ناوى أشترى كمان شهر تقريبا شكر وتقدير |
رد: 128 ولا 127 ؟ أفضل و أرخص ؟
برة وجوة دى صعبة اوى
وحاول تحط من ضمن اختياراتك الريتمو وشوف المقارنة بينهم هاترسي على اية |
رد: 128 ولا 127 ؟ أفضل و أرخص ؟
شكرا على رد حضرتك
طيب نخليها جوة بس و طبعا ميكونش فيها بارومة و عندى لحضرتك سؤال لو عربية كان فيها بارومة و أتصلحت ممكن تجلها تانى و لا المشكلة خلاص خلصت ؟ وهل ده بيأثر على تمنها انها كان فيها بارومة قبل كده ؟ |
رد: 128 ولا 127 ؟ أفضل و أرخص ؟
فى اماكن تملى بتمسك باروما
اذا كان والعربية جديدة عملت باروما فما بالك اما تتعالج وتتفك وتتركب عندك السقف من عند الزجاج الامامى تملى بيعمل بارومة ولو بتتكلم عن الـ 128 قايم باب السائق اساسى بيشرخ الشاسية من تحت عند المقصات بيشرخ السوستة الخلفية فوق منها بيشرخ وعموم السيارات القديمة العتب بيجى فية باروما الدواسات بتمسك باروما |
رد: 128 ولا 127 ؟ أفضل و أرخص ؟
ههههههههه انا كده أطمنت :balloons71:
طيب ليه كلام حضرتك كانت محدد او مقتصر على ال 128 ؟ يعنى ال 127 مش بتتشرخ و بيجلها بارومة أقل ؟ و ايه حل البارومة عامة ؟ قطع الجزء و لحام جزء جديد ؟ |
| الساعة الآن 04:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017