|
سؤال
السادة الاعزاء مالكى جاك بى كلاس بعد التحية ....
سلامى ليكم وتحية حارة ومبروك على الثورة ونجاحها رغم ان فيها شىء موثر جدا وهو توقف الحياة العملية (العمل) بنسبة كبيرة وبالاخص العمل اليومى كالمهن الحرة .. المهم .. 1) لدى سؤال او بمعنى اصح استفسار عن الساعة (clock) اللى فى العربية مش عارف اضبطها خالص ؟ 2) السؤال الثانى المفروض فى اى عربية يبقى فيها عداد الكيلوات وعداد الزيت اللى هو بيتصفر مع كل تغيرة زيت فمش عارف اصفر عداد الزيت ؟ من فضلكم اريد الاجابة على هذة الاسئلة ؟ وشكرا لمن يجيب mr/ahmed |
رد: سؤال
الأخ الفاضل أستاذ أحمد .....تحياتى ليك
فى دراع طويل فى العدادات لو حضرتك ضغطت عليه ضغطه واحده هيظهر عداد الزيت بدلا من عداد الكيلو متر ولو ضغطت عليه ضغطه كمان هيرجع عداد الكيلو متر تانى . ومن هذا الزراع لو ضغطت عليه ضغطه طويله يمكن منه تظبيط الساعه . مع أطيب تحياتى |
رد: سؤال
شكرا ليك يا دكتور كمال على التوضيح بس بعد ما اضغط ضغطة طويلة هل هيظهر علامة الساعة طب وبعدين اما بالنسبة للتصفير لعداد الزيت اعمل ايةلانى بحب بعد كل تغير زيت اصفر العداد لانى بنسى انا مشيت كام فبلجاء للعداد حتى اعرف وكما سبق ان ذكرت شكرا ليك على سرعة الرد ..
وبالمناسبة اية اخبارك واخبار العريش سامع ان الحال هناك من كام يوم فاتوا كان وحش يارب تكون الامور استقرت عندكم |
رد: سؤال
أستاذ أحمد ....بالنسبه لتصفير العداد هما فى التوكيل بيصفروه على الكمبيوتر بعد كل تغيير زيت .
بالنسبه للساعه بتظبط من الدراع اللى فى العداد دوس عليه كذا دوسه هتتغير أرقام الساعه . أما العريش لسه مفيش أمان ومفيش شرطه وكل يوم بنام على صوت إطلاق الرصاص . |
رد: سؤال
أحمد باشا . انت مش محتاج لموضوع عداد الزيت دا لأنك بتعمل الزيت كل صيانتين . يعنى كل 10آلاف كيلو وانت بتعمل الصيانه . يعنى ريح دماغك وماتقلقش من عداد الكيلو للزيت حاليا .
|
| الساعة الآن 06:40 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017