تركيب طاقم شنبر ل لانوس
 

السلام عليكم ورحمة الله أخوانى الكرام خلاص هفك وش الماتور يوم السبت عشان همعل طقم شنبر للعربية لانوس 2002 لانها كانت بتجيب دخان أبيض وبتأكل زيت فعاوز أعرف الحكاية تتكلف كام عشان مفيش حد يشتغلنى لانى بصراحة أول مرة اعمل شغل فى الماتور وعندى كام سؤال كده فى ناس قالوا بيع العربية بعد متعمل الشمبر لانه هيبوظ تانى والعربية هترجع تاكل زيت تانى لان مواتر اللانوس والعربيات الحديثة مينفعش فيها العمرة وفى واحد قالى هات ماتور استيراد من بورسعيد وريح دماغك فأنا عاوز أعرف صحة الكلام ده من عدمه وعاوز أعرف ايه اللى بيتغير فى الشمبر بالظبط يعنى ايه القطع اللى بتغير . وهل العربية بترجع بنفس الكفاءة اللى كانت عليها . واغير ايه تانى بالمرة يعنى مثلا اغير البوجيهات ايه افضل نوعه وفلتر البنزين مثلا وعندى التيل الامامى بيصفر جامد وكنت لسه مركبه من شهر وكنت جايبه ب 65 جنيه فلو فى نوع نظيف لو ممكن اسمه وسعره ومكانه. اكون شاكر ليكم يا رجالة الدايو واسف طولت عليكم جاااااااااااااامد
<!-- google_ad_section_end --> __________________

رد: الى استشارى قسم الدايو أرجو الرد للأهمية
 

من رأيي طالما العربيه مريحاك خليها ما تبعهاش
اعمل الشنبر مافيش منه مشكله
بس لو الميكانيكي فتح الموتور و قالك محتاجه عمره كامله يبقي انزل اشتري موتور استيراد اوفر و افضل
بس ان شاء الله الموضوع حيبقي شنبر بس لان مواتير اللانوس معمره جدا
طبعا الميكانيكي حيكشف لو طلمبه الزيت بايظه او كبسها ضعيف حيغيرها بالمره
و لما تركب الموتور تاني علي الاقل تقف تلين و تحرق 20 لتر بنزين و هيا واقفه
و بعدين تمشي بيها 500 كيلو و تغير الفلتر و الزيت تاني
علشان لو فيه رايش من المخرطه او حاجه ينزل مع الزيت .
اما بالنسبه للاسعار مش حقدر افيدك
و ابقي طمنا عملت ايه:)

رد: الى استشارى قسم الدايو أرجو الرد للأهمية
 

الخ العزيز حــــــــــــازم خضر شكرا على المعلومات الحكيمة وهى عين الصواب ولى بعد اذنك سؤال لو موتور اللانوس اتعامل احسن معاملة الى اى مدى يعمر يعنى يمشى كام كيلو الى ان يحتاج عمرة سمعت ان موتور الكورولا ممكن يمشى بنفس القوة الى مليون كم الى اى مدى صحة هذا الكلام واذا كان موتور الكورولا معمر الى المليون اذا صح الكلام يبقى اللانوس واللانسر الى كام وشكرا جزيلا

رد: تركيب طاقم شنبر ل لانوس
 

اهلا و اسهلا يا اخي الحبيب
بص حضرتك
مواتير اللانوس معمره جدا و مع الاستعمال المتوسط
ممكن تقعد مش اقل من 250 الف كيلو
يعني لو العربيه متاحفظ عليها و مافيش قرص و لا شد كتير
و بتغير الزيت في ميعاده و بزيوت نضيف و فلاتر اصليه
ممكن تلاقي الموتور دا قعد مش اقل من 300 الف او 400 كمان
انما موضوع مواتير التويوتا و المليون كيلو دا
بصراحه مش مستوعبها اوي لاني ما شفتهاش بعيني
اللي شفته عربيه موديل 94 و كانت سنه 97 بتعمل شنبر(كورولا برضه)
يعني الموضوع مش مقياس
مواتير اللانسر مع واحد صاحبي واحده عامله 240 الف كيلو و لسه زي الفل
و بالرغم من كده بلاقي عربيات لانسر عند الميكانيكي بتغير مواتير كامه و عامله في معدل ال 300 الف.
يعني الموضوع في الاول و الاخر محافظه
و جوده العربيه احد العوامل اللي بتاسعد علي استمرار الموتور و ليست كل العوامل!!

رد: تركيب طاقم شنبر ل لانوس
 

الاخ العزيز جدا والرائع جدا الاستاذ حازم خضر ردك رد خبراء فعلا لانى بعد ان سالنك اتصلت بمهندس معرفة بصيانة اللانوس ومهندس فى صيانة اخرى وقالوا نفس كلام سيادتك يعنى الله ينور عليك وبرافو:260309~146: