البيجو 307 هل من منقذ
 

السلام عليكم و رحمة الله و بركاته
يا جماعة و الله العظيم البيجو 307 ديه عربية جامده بس للاسف انا فى السعودية و العربية ديه توكيلها هنا ممرمط بكرمتها الارض قطع غيرها نار غير انك فين و فين لما تلاقى ميكانيكى بيفهم فى البيجو و طبعا مش هتلاقى غير مصريين..... المهم انا عندي التكيف بحط له فريون كل شهر تقريبا لانه فيه تسريب فحبيت اصلحة اتصلت بالتوكيل فى التليفون بقوله الفريون بيتسرب قلى التلاجة عاوزه تتغير وطبعا لازم يفك الطابلوه او الطبلون زى مبيقولو عليه هنا.......... المهم نفضله لان كان فيه خرطوم بيسرب و صلحته قبل كده يعنى مش اكيد ان التسريب من التلاجة ...... رحت لمركز خدمة بتاع عربيات اوربية قالى ده الكمبريسور و طبعا مفيش هنا تصليح فك و ارمى و جيب جديد..... انا عاوز خدمة من الاعضاء المحترمين و هي حد يسالى على ثمن الثلاجة و الكمبريسور للبيجو 307 موديل 2002 1600cc فى مصر بكام و كمان الكشف بالكمبيوتر فى التوكيل يتكلف كام لانى ان شاء الله ناوى انزل مصر بالعربية ازبطها و ارحم نفسى من التجارب اللى بيعملها الميكانيكية هنا على العربية.. لانى جبت ليها حاجات من مصر قبل كده و كانت ارخص من هنا النص تقريبا.... وشكرا

رد: البيجو 307 هل من منقذ
 

خد ياباشا ده رقم ميكانيكى بيجو وستروين وعنده كشف بالكمبيوتر زى فى التوكيل بالضبط

اسمه امجد 0122822870

والكمبريسور بتاع العربيه لو عاوز يتغير بحوالى 600 جنيه استيراد

وعموما قطع غيار السياره موجوده جديده واستيراد بكثرة ولا تقلق

وتوصل مصر بسلامة الله

رد: البيجو 307 هل من منقذ
 

ايمن باشا شكرا على اهتمامك و الله يسلمك ... ب 600 جنيه طمنتنى على الاخر ....

رد: البيجو 307 هل من منقذ
 

انصحك تظبط عربيتك هنا فى السعوديه هتكون ارخص من مصر علشان قطع الغيار فى مصر بيدفع عليها جمارك

و فى السعوديه عندك توكيلين 1- المتوكل 2- بالبيد

لو انته فى الرياض ممكن ادلك على مكان ورش متخصصه فى البيجو ....... بس برضه انصحك متعملش عندهم حاجه كبيره علشان من الاخر محدش بيفهم فى العربيه دى غير التوكيل بتاعها فقط .

فى قطع غيار تجارى بتبقى ارخص من الاصلى و كمان ممكن تلاقى فى التشليح ( مكان لقطع الغيار المستعمله )

تقبل تحياتى ..... رفيق ال 307

رد: البيجو 307 هل من منقذ
 

يا باشا كشف كامل علي السيارة في التوكيل هنا ب 150 جنية و التوكيل فاهم في العربيه جدا

و ثانيا قطع غيار ال 307 دلوقتي كتير جدا استيراد و جديد و زي ما قال ايمن باشا

الاسعار هتلاقيها اقل و ربنا يسهل و ان شاء الله تتظبت و ترجع احسن من الاول