استفسار لكل مالكى صنى 2011
 

هل تم تعديل استهلاك البنزين فى موديل 2011 ولا لا
ولو تم التعديل فكم معدل الاستهلاك تقريبا

Re: استفسار لكل مالكى صنى 2011
 

تم التعديل بالفعل لموديلات 2011 سياره اوتوماتيك معدل استهلاك البنزين 10.6 كيلو لكل لتر داخل البلد سياره اوتوماتيك معدل استهلاك البنزين 12.5 كيلو لكل لتر خارج البلد بدون تكييف طبعا السياره ex صالون ظبط الكاوتش على 30 امامى وخلفى ودمتم بخير

رد: Re: استفسار لكل مالكى صنى 2011
 

مفروض ضبط الكاوتش حسب المصنع يكون 36 امامى و33 خلفى - هتلاقى استيكر على التابلوة وباب السواق مفتوح فية مقياس الضغط دة، سواء هواء عادى او نيتروجين.

رد: Re: استفسار لكل مالكى صنى 2011
 

اوك كلامك صح لا غبار عليه بس الضبط المذكور حتلائى الباور خف منك جدا وده فى حد زاته على الطرق المفتوحه خطر لو انت بتجرى بسرعه عاليه ثانيا اى مطب حتنزل فيه بالضغط المذكور حيأثر على العفشه وحتشعر بيه جدا فى القياده ثالثا الضبط المذكور ده بيكون فى الخارج يعنى اليابان مثلا ليس لديهم مطبات بشكل مطبات مصر الموجوده فيها ولو يعلم كل شخص الحقيقه دى لما تردد لحظه فى رفع قضيه على دولتنا الموقره لما يواجهه من سوء معامله الطريق وما يقترفه من تدمير شامل للسياره يكلف اصحاب السيارات خسائر فادحه وكمان الحوادث معظمها فى مصر نتيجه سوء الطريق افرض مثلا سيادتك ماشى بسرعه وفجأه ظهر امامك مطب محترم ممكن لو فرملت عشان تتفاداه تلائى اليى لبس فيك من الخلف دمرك اما لو اكلته ومعرفتش تهرب منه ممكن لا قدر الله مساعدين تروح فى داهيه او مقص يتكسر وما الى ذلك عشان كده انا بصراحه بفضل فى الصنى بالزات حتى لو الكاوتش عمره الافتراضى قل بسبب الضغط الاقل فحيكون ده على حساب راحه السياره فى المطبات وعدم الشعور بالاهانه والالم فى حاله السير على طريق من اسوأ طرق العالم فى المطبات زى مصر يا راجل ده الصحراوى مصر اسكندريه مسلمش حتى من المطبات بس كل شويه يحصلوا منك ضريبه كل متروح ترخص ويفتشوك فى المرور ومخالفات بمبالغ طائله طب الفلوس دى بتروح لمين ما خلاص مبارك اتحبس فيه مين تانى بقى هههههههههه

رد: استفسار لكل مالكى صنى 2011