رينو فلونس fluence
 

يا ريت يا جماعة حد يعمل تقرير عن العربية دي علشان انا شوفتلها اعلان في الجرنال و شوفت شكلها على موقع رينو و بجد شكلها تحفة و كلاسيكي فحت و تابلو بتاعها قمة البساطة و الفخامة انا اول ما شوفتها قولت دي عربية وزرا و كمان سعرها من فئة الكروز و المازدا 3 و السيراتو و ياريت التقرير يكون عن اللي هنا في مصر مش اللي برا علشان انا عارف ان الي هنا بيختلف عن اللي برا "اكيد بيقل" و كمان مميزات و عيوب و على فكرة العربية نزلت في مصر علشان لو حد شاكك انها لسة منزلتش و الدليل انها موجودة في كونتكت كارز

رد: رينو فلونس fluence
 

محدش يعرف عنها اي حاجة؟؟؟؟

رد: رينو فلونس fluence
 

ياباشا في موضوع عن الفلونس في المنتدى من اول التقديم الرسمي ليها
ومواصفاتها على فكره كامله زي بره يعني مقصوش منها حاجه ... لأنها في الاساس معموله مخصوص للدول اللي زي حالاتنا اللي بيحبو السيدان عن الهاتشباك

الرابط ده فيه معلومات كتيره عن الفلونس
و تم اضافه المواصفات والاسعار للتوكيل المصري
رينو فلونس الجديده 2010 .. هل نراها في مصر
http://www.masrmotors.com/vb/showthread.php?t=12408

الفلونس تحفه بمعنى الكلمه ... و يمكن تحفه قليله عليها كمان
عربيه مبهره من الخارج .... رائعه من الداخل
حجمها يحسسك انها فئه اعلا من فئه السيفيك و الجيتا و الميجان .. و أقرب لفئه الافنسيس أو الباسات بسسب قاعده العجلات الطوووووويييييييللله والشنطه الكبيييييييرررره
لولا وجود الاجونا في فئه العائلي الكبير مكنتش حصدق انها في فئه اصغر
لكن اللي يركب الفلونس ورا يحس انها بحر بالنسبه لكنبه الميجان 3
مع انها المفترض انها السيدان للميجان الجديده ...
لكن لأن مفيش ميجان سيدان .... اطلقو عليها فلونس


عن نفسي اعجبت بالعربيه جدا جدا جدا ...
الاسود عليها ملوش حل ...
وسعرها بمواصفاتها صفعه لاي عربيه اسيوي
وسعرها أقل كتير عن الاوكتافيا و الجيتا مع مواصفات اكترptmnlo123per154

عيبها الوحيد ... انها خليفه الميجان .... البعبع ptmnlo123per194

رد: رينو فلونس fluence
 

مشكور يا باشا على ردك و على الموضوع بس الميجان بعبع ازاي يعني اصلي معرفش اي حاجة عن رينو خااااالص بس كل اللي اعرفه ناس بيقولولي كليو وحشة و خلاص

رد: رينو فلونس fluence
 

بعبع لأنها للاسف مع تصميمها الرائع و تقنيتها العاليه ... سعر اعاده البيع في الضياع
اللي اشترى ب 150 باع بعدها بسنتين ب 75 !!
وهي دي الحقيقه الوحيده الاكيده اللي محدش يقدر ينفيها او يعترض عليها دون الخوض في ما اثير حولها من تساؤلات أو اقاويل

بس بتمنى فعلا ان الفلونس تغير الصوره دي .... لأن العربيه فعلا جميله ...
رغم اني كنت معجب جدا بشكل الميجان 2 و كنت اشك ان رينو تقدر تعمل تصميم زيها
لكن فعلا الفلونس .... ليها هيبه كده ....
هي كل جمله فيها ... فعلا ... فعلا ...فعلا ... الظاهر العربيه خلتني أهنج من قبل ما تنزل ptmnlo123per1127