مصر موتورز مجتمع السيارات

عندي سيارة بيجو 307 موديل 2004
السيارة ماشيه معايا 5 سنوات
ظهرت لي مشكلة مؤخرا
وهي انه في بعض الاحيان وانا واقف عند اشارة وبعدين احط القير على الدي تنطفي السيارة
خصوصا اذا كان المكيف شغال واحيانا والمكيف مش شغال تحدث نفس المشكلة
طبعا المشكلة تحدث لما تسخن السيارة - خصوصا هنا في السعودية الجو حار

طبعا لما تنطفي السيارة اشغلها وتشتغل طبيعي وامشي لكن تحدث المشكلة مره اخرى اذا وقفت وبعدين مشيت

طبعا لا تظهر لي اي اشارة على الطبلون
نسيت اذكر حاجتين

اولا :

عزم السيارة ضعيييييييف جدا خصوصا مع المكيف - يعني لو انا مشغل المكيف وواقف في الاشارة وحبيت امشي وحطيت القير على الدي وادوس بنزين لا يرتفع الار بي ام
الا بعد ان ادوس بنزين على الآخر لعدة ثواني 5-10 ثواني
وبعدها يرتفع الار بي ام
وتبدا السيارة تمشي شويه شوية وانا دايس بنزين على الآخر

ثانيا :

انا ما سويت اي تصفية للمكينة
الا اني غيرت البواجي والكويل كامل - شاريهم من الوكالة - قبل فترة بسيطة

لكني لم انظف البخاخات او اسوي اي تصفية للمكينة ابدا

يا ليت اعرف ايش سبب انطفاء السيارة بهذا الشكل ؟
ايضا ايش سبب العزم الضعيف جدا في بداية تحرك السيارة؟

خالص الشكر

محمد