مشكلة فى العربية هتجننى
 

السلام عليكم ورحمة اللة وبركاتة
اهلا باحلى منتدى واهلا بيكم جميعا انا كان عندى استفسار هو جماعة المنتدى زعلانين منى ولا ايه لان كل لما اكتب مشكلة محدش بيرد عليا ولا يمكن زهقتوا منى على العموم انا كنت عاوز استشيركم فى حاجة العربية وهى واقفة سلانسيه بتكون عاملة زى ماتكون متلتة المشكلة دى ظهرت بعد لما علبة البيئه اتشالت ودة طبعا بعد ما اتكتمت وكانت بتخلى العربية ما بتعديش30 كم فهل ممكن يكون الحكاية دى اثرت على حاجة ......؟ وهل فعلا الصوت هيعلى وهتطلع ريحة عادم ؟......وكان عندى استفسار تانى معلش استحملونى بقى هو ممكن الواحد يوصل العربية على الكمبيوتر الخاص ويعمل لها سكانر ولا لأ ولو ممكن ايه اللى بيلزم؟........ ولو سمحتوا هى العربية ايه افضل زيت يتغير ليها وايه هى كمية الزيت المفروض تنحط؟

رد: مشكلة فى العربية هتجننى
 

محدش يقدر يزعل منك يا هيمو احنا اخوات هيمو باشا من افضل انواع الزيوت موبيل 5 الف كويس يعنى ة كويس بس بصراحة انا كنت بستعمل موبيل وكان هايل جدا وبالنسبة للكشف على العربية احسن خاليك اسكانر علشان مهما كان ادى العيش لخبازة وبصراحة مش عارف ممكن انت تعملو او انا بصراحة مش عارف

رد: مشكلة فى العربية هتجننى
 

شكرا ليك على الاهتمام انا عارف ان اعضاء المنتدى اكتر من اخوات علشان كدة الواحد بيقتنع بكلامهم
ممكن بقى حد يقولى (وهل فعلا الصوت هيعلى وهتطلع ريحة عادم ؟......)
وايه هى كمية الزيت المفروض تنحط؟ وياريت لو حد عنده اى معلومه ما يبخلش وشكرا مقدماGIFT4U

رد: مشكلة فى العربية هتجننى
 

كمية الزيت امظبوطة للموتور زى الكتالوج ما قال 3.75 لتر واظن لازم يتغير مع فلتر اصلى من نوع GM

رد: مشكلة فى العربية هتجننى
 

حضرتك ممكن توضح اكتر يعنى الكمية بعد تغيير الزيت قد ايه ومن غير تغيير الزيت قد اية
اما بقى بالنسبة لموضوع التتليتة دة فطلع العيب من الموبينة وجبت واحدة جديدة بس كان ممكن انى اجيبها استيراد وكانت هتوفر كتير بس قدر الله وما شاء فعل......