سؤال لأهل الخبرة عن مازدا 626 موديل 83
 

السلام عليكم و رحمة الله و بركاته

أولاً .. احب اشكر القائمين على المنتدى الرائع ده و لى الشرف انى انضم ليه

ثانيا : استفسار بخصوص العربية ال 626 موديل 83 خليجى ايه رايكم فيها ... لانى اول مرة اشترى عربيات و احتمال اشتريها من جارنا .... هل العريبة كويسة ... قطع غيارها متوفرة و فى متناول اليد و هل قطع الغيار معمره ... يعنى اركبها و انساها ... الصراحة لما تبقي اول مره تشتري عربية بتبقى مش عاوز تندم على انك اشتريت عربية و تصاحب المايكنيكى .

ثالثا : هو جارنا كان صريح معاية و قالى انه عمل عمره للماتور من سنتين و العمره مكنتش كويسه و هو راكن العربية من ساعتها فالعربية هتحتاج عمره و كمان هتحتاج تتدهن عشان فى حاجات قشرة فى الدهان و الزجاج الخلفى مكسور .... الموضوع ده يتكلف كم

رابعاً : هل العربية دى بيجلها بارومة .... و لو بتيجى فيها بارومة بتكون فين الأماكن الشهيرة بتاعتها و هل لو طلع فيها بارومة اخدها ولا بلاها .

خامساً : بعد الى وصفته فوق العربية ده ادفع فيها كم مع العلم ان شكل العربية متناسق تحس انها مش اتخبطة قبل كده و العربية مواصفات خليجى مانويل و فتحة سقف و جنوط 17 سبور و هى بيتى جداً


الصراحة يا جماعة كشكل عاجبانى بس خايف البس و ربنا يعلم فلوسها اتجمعت أزاى ... عشان كده قلت اسال اهل الخبره عن العربية كأداء الأول و بعدها عن وصف العربية الى معروضه عليه و اعرف تساوى كم


أخيراً أسف انى طولت عليكم و اسالتى كتير بس القلق بقي و شكرا ليكم على المنتدى الجميل ده و ربنا يجزيكم خير