مصر موتورز مجتمع السيارات - انا كنت عايز اعرف مميزات وعيوب السوزوكي فان وكل حاجة عنها

مصر موتورز مجتمع السيارات (https://www.masrmotors.com/vb/index.php)

- سوزوكى Suzuki (https://www.masrmotors.com/vb/forumdisplay.php?f=33)

انا كنت عايز اعرف مميزات وعيوب السوزوكي فان وكل حاجة عنها

السلام عليكم ورحمة الله وبركاتة
انا اسمي اسلام ,, انا كنت استفسر من اهل الخبرة عن
مميزات وعيوب النوع دا من العربيات > (السوزوكي فان)
انا بسمع انها نوع جميل وبيستحمل السفر وكل حااجة بس في ناس بتقول انها مش اقتصادية في البنزين وفي الا يقول انها اقتصادية علشان هيا دفع امامي انا مش عارف اصدق مين ولاا اعمل اية والا يقول الفرامل مش كويسة ممكن اعرف كل عيوبها وياتري من السهل التعامل معا المشاكل دا ولا صعب ,, جزاكم الله خيرا
انا والله من اشد المعجبين للنوع دا من السيارات
انا بشوفها في كل مكااان انتشرت جدا الايام دي :) مشروع جميل جداااا :)
ارجو الاستفادة من حضراتكم :)

رد: انا كنت عايز اعرف مميزات وعيوب السوزوكي فان وكل حاجة عنها

وعليكم السلام ورحمة الله وبركاتة
واهلاً بيك يا اسلام فى مصرموتورز

انت تقصد انهى واحدة فيه موديل حديث اللى هو فى الصورة دة

http://static.paultan.org/suzuki_apv_1.jpg

وديه بالرغم من ان السوزوكى محترمة كماركة وموديل حديث لكن مش منتشرة وبالتالى قطع الغيار مش مضمون توفرها بره التوكيل وديه فى حد ذاتها حاجة تخوف

وفيه الموديل القديم والتاريخى من السوزوكى فان

http://images01.olx.com.ph/ui/1/24/32/6052232_1.jpg

وديه هى هى السوزوكى النقل او البيك اب

http://egybanners.com/showimage.aspx...9%8A-72705.jpg

وديه عربية عملية جداً فى استهلاك البنزين وكعفشه وصيانة وقطع غيار ومنتشرة فى مصر وشغالة على الطرق بقالها عشرات السنين

كل مشاكلها انها صاجها ضعيف وامان منعدم يعتبر وكماليات فقيرة جداً وثبات ضعيف لكن الشباب بتوع الاجرة بستخدمو لها جنوط سبور وكاوتش عريض بيعزز الثبات شوية

رد: انا كنت عايز اعرف مميزات وعيوب السوزوكي فان وكل حاجة عنها

السلام عليكم
فعلا كما قال ابو نورا يعيبها الثبات والأمان والرفاهيه
واضيف ان فراملها ضعيفه شويه لكن مع التعود عليها تكتسب خبرة تقدير المسافه ومراعات فراملها وضعفها
يعني بعد فتره بتتأقلم مع فراملها
لكن استهلاك البنزين موفر
قطع غيار متوفره
انتشار واسع وصيانه سهله وغير مكلفه
والله اعلى واعلم
والله المستعان

رد: انا كنت عايز اعرف مميزات وعيوب السوزوكي فان وكل حاجة عنها

انا متشكر جدا لحضرتكم
هو الحمد لله دلوقتي انا اطمنت ,, بس كنت عايز اعرف الامان دي مقصود بيها أية ..؟؟ .. هيا الثبات والرفاهية الحمد الله تمام اطمنت من ناحيتهم مش مشكلة الرفاهية ,, والثبات زي ما استاذ Abo nora قال
جنوط سبور وكاوتش عريض :) :)
بــس كنت عايز اعرف الامان دي مقصود بيها اية , وياتري لو في مشاكل تانية ممكن توجهني :)
جزاكم الله خيرا

رد: انا كنت عايز اعرف مميزات وعيوب السوزوكي فان وكل حاجة عنها

العربيات الحديثة فيها وسائل امان متنوعة

يعنى مثلاً وسائل امان لتقوية اداء الفرامل وخاصة فى ظروف انك بتفرمل وتحتيك مية او رملة ممكن تخلى العربيه تزحف
واحزمة امان وايرباج وغيرة ده غير ان العربيه تصميمها (قطش) بمعنى ان ملهاش كابوت او مساحة امامية طويلة تمتص الصدمات ربنا يحفظ ويحفظنا جميعاً من شر الحوادث