نيسان صنى 2003 أو 2004
 

قدامى عربيه نيسان صنى 2003 مانويل 1300 سى سى حالتها كويسه .. بس المشكله انا عمرى ما ركبت النيسان صنى قبل كده وخايف اتدبس واندم يا ريت ارجوكم اى حد معاه نيسان الموديل ده يكلمنى عاوز اعرف ايه مشاكلها وكمان انا سمعت ان عيب الصنى انى بخسر كتير ساعه البيع يا ترى دا صح ولا غلط ؟؟ وكمان تسوى كام سعر تقريبا وايه الفرق بينها وبين موديل 2004 بنفس الموصفات برضه ويا ترى فيه فرق بينهم فى السعر ؟؟ وشكرا للجميع

رد: نيسان صنى 2003 أو 2004
 

بص مفيش حاجة اسمها تخسر كتير كده من غير سبب
اللى بيخسر كتير فى العربية يا اما حالتها متبهدلة يا اما مستعجل فى البيع والمستعجل بيبيع بخسارة لازم
غير كده النيسان صنى مش بياعة اوى مقارنة بالكرولا مثلا او الانسر او البدائل الكورى
لكن ليها اللى بيقدرها وخاصة لو حالتها حلوة
وعموماً هتلاقى تقارير كتير بتتكلم عن العربيه بتفاصيلها فى قسم النيسان وركز المهم فى انك تشترى عربيه بحاله حلوة وسعر معقول وان شاء الله مش هتتغلب

رد: نيسان صنى 2003 أو 2004
 

جزاك الله خيرا واشكرك على ردك واهتمامك وفعلا كلامك منطقى جدااا .. اصل بيني وبينك كنت خلاص رايح اشترى لانوس دايو موديل 2007 وبعدين ظهرت قدامى واحده نيسان صنى موديل 2003 حالتها كويسه جداحسب كلام اللى شافوها معايا وكان فرق الفلوس بينهم مش كبير لكن لقيت النيسان شكلا افخم بكتييييييييير واوسع من جوه ففكرت ازود الفلوس شويه واجيبها لكن المشكله انى عمرى ما ركبت النيسان اصلا فى مصر وخايف اندم بعد ما اجيبها .. وبجد محتااااااار جدااااااا ......... وكمان كنت عاوز اعرف فيه واحده صنى موديل 2004 ومافيش فرق بينهم كبير فى الفلوس لكن يا ترى فيه فرق فى الامكانيات ولا المودلين دول زى بعض والفرق بينهم مجرد سنه زياده

رد: نيسان صنى 2003 أو 2004
 

رد: نيسان صنى 2003 أو 2004
 

أنا معايا صني 2004 سعة1300 سي سي هي نفس ال2003 بس الفانوس الخلفي الفانوس الجديد البطيخة عدا ذلك هي هي والله اعلم السيارة مزاياها كثيرة جداً تقفيل ياباني بالكامل جيد جداً قطع غيار متوفرة وأستاذها جيدة وبتعيش وكتير بيشتغلوا فيها ميكانيكا وخلافه ناعمة جداً وسلسة جداً فيً السواقة واستهلاك البنزين ممتاز يعني في الصفيحة داخل البلد حوالي 220 ك قابل للزيادة سحب ممتاز وبتجري جري لكن أظن لا تتعدي 160 ك محمولة جدوا وقناعة شغل ومشقة دون ظهور اي مشاكل تذكر عيوبها في نظري انها اضعف من ال 1600 سي سي عموما ومع التكييف العربية رحمة شويتين*