رد: اسعار قطع غيار سايبا برايد من قبل الوكيل ناشيونال موتورز
 

سير البور للسايبا بريد 2009 غير متوفر بالتوكيل حد يعرف رقمه او مقاسه واين اجده ؟

رد: اسعار قطع غيار سايبا برايد من قبل الوكيل ناشيونال موتورز
 

ايه يا اخوانا التناقض الغريب ده في الكلام ؟

ازاي الكيا افضل من الريجاتا والمازدا والاكسل من ناحية قطع الغيار ودا تم ذكره في موضوعات اخري

او علي الاقل مثل الاكسل في وفرة القطع واسعارها

وبعدين تقولوا ان الفانوس الامامي 215 ج يعني اتنين فانوس =430 ج
فانوس خلفي 145 ج يعني الاتنين 290 ج
وماستر فرامل 300 جنيه
ردياتير 350 ج
مساعدين امامي 500 ج وخلفي 600 ج
علبة دركسيون 800 ج

يعني علشان اشتري قطع غيار حيويه وكثيرة الاعطال زي الدينامو والمارش وطرمبة مياه وطرمبة بنزين عايز الفين تلاته .
والمفروض علشان اقول ان اسعار قطع الغيار رخيصه ومعقوله تكون نصف هذا السعر. لان قطع غيار المازدا والريجاتا والاكسل لم تصل لهذه الاسعار
وقطع غيارها متوفره صيني ومصري وتركي وكوري وتايواني وايطالي وياباني والماني . يعني تعادل الفيات في وفرتها وسعرها.
وطبعا زي قالوا الاخوه بيدوخوا علي قطع الكيا واضطر واحد يسافر بور سعيد علشانها . ولم يذكر احد انواع قطع الغيار المتوفرة او اماكنها او اسعارها .
والمشكله ان ابو نورا هوه اول واحد قال ان القطع متوفره في اي مكان وبعدين
قال الاسعار في التوكيل كذا ؟
طيب لما هيا متوفره في اي مكان ورخيصه ايه اللي يجبرك تروح التوكيل
علشان تنكوي بناره ؟
فمعني ان الانسان يلجأ للتوكيل معناه ان الخدمه للسياره من قطع الغيار مش موجوده
او نادره في السوق .
او هوه متعود يعمل صيانته في التوكيل ودا مش مقياس لان الغالبيه العظمي بتشتري سيارات مستعمله وبيعتمد علي الخدمه خارج التوكيل وهوه دا اللي المفروض نصب اهتمامنا عليه ونوجهه التوجيه الصحيح وننزل للمستوي الشعبي للغالبيه العظمي
اللي هوه بيعتمد علي اسعار المحلات والسوق .
وحاجه كمان : انا فريت المنتدي ادور علي موضوع لاسعار قطع غيار الكيا برايد
ولم اثر علي واحد يحتوي علي مجموعة كامله ابدا ليتسع مجال المقارنه مع انواع اخري .
مش كده .... ولا ايه ؟ :joy23:

رد: اسعار قطع غيار سايبا برايد من قبل الوكيل ناشيونال موتورز
 

السلام عليكم
ايه ياعم عهد داخل حامى كدة ليه اغلب ما قرائته قديم وبعدين فيه ناس مخصوصه الزملاء وضعوا عناوينهم وتليفوناتهم واعتقد لن يخرج السؤال عنهم فعندهم كل قطع الغيار

رد: اسعار قطع غيار سايبا برايد من قبل الوكيل ناشيونال موتورز
 

انا قريت الموضوع كله تانى ومش لاقى اى تناقض غير فى كلامك وفهمك انت !!!

اولاً قسم البرايد مليان استفسارات عن قطع غيارها ورديت بدل المرة عشرة عن محلات قطع الغيار واخر حاجة عملت موضوع منفصل بالعناوين فى القاهرة والتليفونات

ثانياً انا حطيت اسعار وكيل الامل (الوكيل القديم) مقارنة باسعار الوكيل الجديد (ناشيونال موتورز) والكلام ده على السايبا برايد الشكل _(الجديد) بتاع 2007 - 2009 - ده والموضوع كله بقالة 4 سنين دلوقتى لو انت فاهم الفرق بين ديه وديه اصلا لكن واضح انك مش فاهم فقول مش فاهم وانا افهمك بس اهدى على نفسك شوية كده وحدد انت عايز ايه بالظبط
هل انت معاك العربيه وعايز قطع غيار ليها ؟ ولا داخل تعمل مقارنة بين البرايد وعربيات تانية ؟ ولا داخل تجر شكل الناس والسلام !!!

رد: اسعار قطع غيار سايبا برايد من قبل الوكيل ناشيونال موتورز
 

ههههههههههههههه

العفو يااستاذ شريف انا مش حامي ولاحاجه انا معرفش ان الموضوع قديم فعذرا .

اما عمنا ابو نورا : الف سلامه عليك اولا وربنا يديك الصحه انت وجميع الصالحين
اصل اخوك بقي ياسيدي له صديق اسمه ابو نورا برضه . ودايما واقفين لبعض عالواحده زي ما بيقولوا
ثانيا انا لم انتبه لقدم الموضوع لاني لم اقرا تواريخ المشاركات.
ثالثا انا كنت اشتريت سياره سنة 80 زيرو بمبلغ 10 الاف جبيه تقسيط دفعت منهم 3 والباقي قسط تقريبا 200 جنيه شهريا
فانا مش قادر استوعب اسعار هذه الايام وبتاثر نفسيا لما اسمعها ويمكن دا سبب انفعالي اللي حصل
ههههههههههههه اضحكتني جملتك انت بتجر شكل الناس ؟ ههههههههههههه.
لا والله لا اقصد شيء سوي انني كنت استفسر عن بعض قطع الغيار واعمل مقارنات فقط
لاني عايز اشتري سياره تانيه ساعدني علي الحركه ليس الا .
ولم انتبه الي ان الاسعار التي ذكرت لها فترة طويله وقد تغيرت الاحوال الان وهذا شيء اكيد .
فعذرا يا صديقي العزيز