هل ممكن اغسل ماتور السيفيا
 

السلام عليكم ورحمة الله وبركاته على الجميع
انا معايا سيفيا 2000 من حوالى شهر والأخ اللى كنت شاريها منه كان هامل فيها وممشيها على بنزين 80
وكان فيها جوان غطا التاكيهات بيسرب وهو مكنش فى دماغه انو يصلحو
المهم انا ظبط العربية وغيرت الجوان ونضفت حساس الIAC غيرت فلاتر وزيت وكلو بقى تمام والعربية انظبطت تمام بس المشكلة ان الموتور كله زيت من كتر التسريب لدرجة ان الكارتيرات البلاستك اللى تحت الموتور مليانة زيت بتراب وحاجة تقرف انا عايز اغسل الموتور بس خايف على وصلات وفيش الكهربا والحساسات
افيدونى ايه العمل ؟ وجزاكم الله خيرا

رد: هل ممكن اغسل ماتور السيفيا
 

وعليك السلام ورحمة الله وبركاته .. أنا زيك بردوا يا أبو حميد لسه جايب سيفيا 2000 من أسبوع وسألت نفس السؤال بتاعك دة لأهل الخبرة .. غسيل الموتور مفيش منوا اى خوف إطلاقاً بل على العكس عدم غسيله هو الى غلط بالذات فى فترة الصيف حيث أن التكييف والمكثف والرادياتير وخلافه كل ما كان عليهم تراب وطينه (أسف للتعبير) كل ما كان أدائهم أقل وهتحس بفرق شاسع فى الاداء بعد غسيل الموتور .. على العموم عن تجربه أنا غسلت الموتور فى مغسلة بقيمة 20 جنيه والعربيه والحمد لله تمام .. أتوكل على الله ومتخفش

رد: هل ممكن اغسل ماتور السيفيا
 

الف شكر وجزاك الله كل خير

رد: هل ممكن اغسل ماتور السيفيا
 

اهم حاجه بعد متغسل لازم تظبط الماتور بالهوا عشان الحساسات
وطبعا الغسيل ده على فترات متباعده

رد: هل ممكن اغسل ماتور السيفيا
 

ممكن تغسل بالبنزين او الجاز .......بس اهم حاجة تاخد بالك من الحساسات وتنضفهم بالهوا بعد ما تخلص