سوزكى ماروتى الاسكندريه
السلام عليكم
لسه شاري ماروتي800 العربيه تمام معايا بس فيه حاجه مش عارف هي عادي ولا لا . الصبح لما بادور العربيه مش بتدور علي طول لازم بعد 4او5 مرات عشان تدور هل دا طبيعي حاجه كمان عاوز اسال عنتركيب الجنط المناسب وسعره والانذار والسنتر والفرش ...انا لسه جايبها طازه امبارح ولسه مرخصتش ودي اول عربيه ليا ....وشكرا للافاده |
رد: الاسكندريه
مليون مبروك ربنا يديك خيرها ويكفيك شرها |
رد: الاسكندريه
لأ مش طبيعي عربية زيرو المفروض تدور من اول مرة بس استنى لما تروح اول صيانة يشوفولك المشكلة دي
|
رد: الاسكندريه
هى العربيه زيرو ولا مستعمله ؟ لو كانت مستعمله فروح لأى كهربائى هايشوف لك المشكله فين أما لو كانت جديده فروح التوكيل وقول لهم على المشكله الغريبه فى سيارة جديدة بالنسبه للجنوط فأنا معرفش فيها ، وبخصوص الفرش والإنذار ففى إسكندريه ناس صنايعيه محترمه يعملوا لك الكلام ده بص على قسم برفشنلز إسكندريه وهاتلاقى اللى إنت عاوزه بروفشنلز اسكندرية - مصر موتورز مجتمع وسوق السيارات العربى |
رد: سوزكى ماروتى الاسكندريه
ياباشا قبل ما تدور ..إدي دوسة بنزين أو دوستين ..وبعدين تفتح كونتاكت وتصبر بتاع 15 ثانيه كده ..وبعدين دور هتدور علطول إن شاء الله
|
الساعة الآن 07:45 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017