|
العربية اتسرقت من ساعة الا 10 دقايق
اولا باحمد ربنا الف مرة انها مش عربيتى لانى بجد ماكنتش اعرف هاتصرف ازاى لو حصل لى حاجة زى كده لا قدر الله التوقيت : الساعة 5:20 بعد صلاة الفجر مباشرة كنت فى ساااااااااااااااااااااااا اااااااااااابع نومة لما لقيت ماما بتصحينى بفزع وبتقولى الحقى فى حرامى فى الشارع ماحسيتش بنفسى الا وانا طايرة على الشباك ابص اشوف اللى بيحصل ايه يا ترى عربيتى ولا عربية مين , ومين الحرامى ده , وهايوقفوه ازاى وصلت للشباك وانا سامعة صوت موتور عربية قوى , طبعا اللى جواه كان طاير عشان ماحدش يلحقه , والناس عمالة تقول حرامى حرامى , قال يعنى حد هايعبرهم وهايمسك الحرامى الغريب انى قلبى مادقش من الخوف زى المعتاد فى المواقف دى انا لقيت نفسى باترعش ومهزوزة العربية اللى اتسرقت كانت من نفس الشارع اللى عربيتى راكنة فيه كان ممكن بمنتهى السهولة ابص من الشباك مالقيش عربيتى , وماكانش حد هايعرف انها اتسرقت لانى ببساطة ماكنتش هاعرف اصوت مثلا ربنا يعافينا ويبعد عننا كل شر وسوء عارفين .. ساعتها لما شوفت اللى حصل اتمنيت ان يكون معايا مسدس افرغه فى الحرامى ولا اضرب به عجل العربية عشان لو الناس كانو مسكو الحرامى بجد كانو هايقطعوه حتت فين العسكرى بتاع زمان اللى كان يمشى فى الشارع ويقول ( هااااااااا مين هناك ) ياريته يرجع تانى يحسسنا بالامان شوية بس فى الحالة دى هايكون كل شارع محتاج 5 عساكر على الاقل المهم ان انا النوم طار من عينى وقال يا فكيك , شكله كان بيجرى ورا الحرامى ولا حاجة انا قولت احكيلكم على اللى حصل عشان كل واحد ياخد باله من عربيته ويركب لها جهاز انذار ويرقيها دايما ولا ينسى ذكر الله حسبنا الله ونعم الوكيل ربنا يرد لكل اللى اتسرق منه حاجة حاجته ويجازى كل حرامى على فعلته اللهم امين وربنا يعافينا ويعف عنا اللهم آمين |
رد: العربية اتسرقت من ساعة الا 10 دقايق
اقتباس:
ربنا يصبر صاحب العربية يارب و يعوضه عنها احسن ان شاء الله او يكون تكفير بس في الحالتين ربنا رايدلنا الخير في كل حاجة تحصل في حياتنا :CHICKA~11: و :01F577~130: بجد الواحد من غيلا تجارب الاخرين بيلبس كتير في حياته كويس انك نشرتي الموضوع عشان الناس تتعظ و كل واخد ياخد احتياطه عشان مايندمش شكر وتقدير |
رد: العربية اتسرقت من ساعة الا 10 دقايق
الحمد لله ان عربيتك بخير
وربنا يصبر صاحب العربية اللي اتسرقت ويعوضه خير ويتمسك الحرامي وشكرا ليكي علي الافادة |
رد: العربية اتسرقت من ساعة الا 10 دقايق
ربنا ينتقم ،، حسبنا الله ونعم الوكيل
ﺍنا ساعات بفكر اني اعمل قنبلة بدائية واحطها في العربية واوصلها بموبايل قد بحيث ان لو العربية اتسرقت استني شوية لغاية اما يكون الحرامي راح المكان اللي فيه زمايله اللي بيخبوا فيه العربيات واروح متصل على التليفون اللي متوصل فيه القنبلة تروح منفجره فيه وفي زمايلة وفي داهية العربية المهم اكون خلصت الناس من شرهم وشفيت غليلي المشكلة بقى ياخوفي ابقى جوة العربية والاقي واحد رخم يطلب رقم غلط على الرقم اللي متوصل بالقنبلة هههههههههههههههههه ده انا كنت ازعل اوي ولو ماموتش من القنبلة هاموت من الغيظ ههههههه |
رد: العربية اتسرقت من ساعة الا 10 دقايق
اقتباس:
بس ربنا يصبر صاحبها وانا شايف ان موضوع الجراج ده حاجه كويسه ان كل واحد يحط عربيتة فى جراج وعلى الاقل هيلائى حماية ويخف الزحمة شوية |
| الساعة الآن 11:13 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017