ايهم افضل: اللوجان - الانوس - الفيرنا - النيو اكسنت
 

السلام عليكم ورحمة الله وبركاته

ماشاء الله فيه خبرات كبيره في المنتدى هنا ربنا يبارك فيكم ويكون علمكم ده علم ينتفع به

كنت عايز اسالكم عن مقارنه من السيارات اللي تحت 72 كده..
واللي هي لوجان واللانوس و الفيرنا
ايه افضل عربيه فيهم ؟ وايه عيوبها ؟
وكمان سمعت ان اللوجان والرينو عموما فطع الغيار غاليه والصيانه غاليه عموما لان لازم تتعمل في التوكيل وده بيكلف مبالغ كبيره جدا سنويا ده حقيقي ؟ وكام التكلفه المتوقعه في المتوسط كل سنه ؟


اخر حاجه لو استنيت شيويه عشان اعلي الميزانيه عشان ادخل النيو اكسنت و السيمبول في المقارنه. حتكون ايه الافضل ؟ ( السيموبل عجباني جدا صراحه. لكن للاسف لاحظت فيه ندره شديده في الاراء عنها قد يكون لقلة انتشارها في الوقت الحالي))


وربنا يبارك فيكم

رد: ايهم افضل: اللوجان - الانوس - الفيرنا - النيو اكسنت
 

بالنسبة للعربيات اللي تحت 72 الف اللانوس يعتبر افضلهم من حيث الثبات علي الطريق و التصميم و الكماليات و قطع الغيار يعني هي عربية تمنها كويس و تصميمها مقبول جدا و الخامات اللي فيها كويسة جدا و الموتور حلو و عربية ثابتة عهلي الطلريق وواسعة من جوة
الفيرنا عربية مش هاتعجبك خالص هي الفيرنا موتور قوي جدا و سرعة تجميع مالهاش مثيل بس المشكلة انها خفيفة جدا و هاتحس بخفيتها علي الطريق لما تعدي 100 كيلو في الساعة و كمان هي ضيقة من جوة و خاماتها يعتبر معقولة
اللوجان عربية لذيذة بس طبعا في عيوب كتير في التصميم علشان الشكل الخارجي و برضة الشكل الداخلي من حيث مثلا زراير الزجاج الكهربائي اللي الزراير بتاعتهة متنطورة في التابلوة و بعدين هي مش هاتساعدك خالص في الغرز لو انت سواقتك شبابية و بعدين بتحس فيها ان البور بتاعها تقيل شوية و بعدين الاول و التاني في النقل بتاعها خشن جدا يمكن زي اللادا كدة تقريبا و بعدين قطع غيارها غالية جدا و هاتتعبك في صيانتها اللي لازم كل حاجة تتعمل في التوكيل و بعدين يوم لما تحب تبيعها بعدها بفترة هاتلاقيها صعبة جدا في بيعها و هاتقل في تمنها كتير اوي
اما بالنسبة انك عاوز تزود و تجيب نيو اكسنت فدة هايبقي اكسن علشان اولا انت كدة هاتاخد موتور اعلي من الفيرنا و ثبات احسن من اللانوس و شكل جميل جدا و عربية واسعة من جوة و مريحة جدا و ثابتة جدا علي الطريق و ربنا يوفقك يارب

رد: ايهم افضل: اللوجان - الانوس - الفيرنا - النيو اكسنت
 

انا رايي برده

اللانوس

وبعديها نيو الاكسنت

رد: ايهم افضل: اللوجان - الانوس - الفيرنا - النيو اكسنت
 

النيو اكسنت زي الفل وثابته في الطريق اكتر من الانوس

رد: ايهم افضل: اللوجان - الانوس - الفيرنا - النيو اكسنت